中港一卡兩號終攪實名制! 個人資料傳上大陸當局 你制唔制

Keith Yim 2016-10-31 20:48 | 中國移動香港
有用開中港一卡兩號嘅網友,或者都知道,除了上台之外,坊間本來有很多提供中港一卡兩號嘅儲值卡。有了中國大陸號碼,可以收大陸銀行 SMS 認證、 用家 Call 車 App ,甚或是一些著數 Coupon。儲值卡一向唔駛要名,唔駛俾個人資料!不過,隨著中國大陸實行流動號碼實名制,香港嘅中港一卡兩號儲值卡已絕跡,而香港其中一間有提供「一卡兩號」嘅中國移動香港已要求香港「一卡兩號」用家做實名,講明有機會你的個人資料會專交俾中國大陸當局。你驚唔驚?肯唔肯?

cmhk-fb.jpg

大部份香港人,都好似版主咁,耐不耐返大陸工作或者遊玩。「一卡兩號」好處係多了一個中國大陸號碼,等你係大陸打電話收費平一點、仲可以收大陸嘅認證 SMS,處理 Call 車 app或者淘寶、支付寶都方便好多。不過,中國大陸已實行手機號碼實名制,即係點?無論你上台,或只係用手機儲值電話卡,中國大陸當局都會要求記錄用名姓名及身份證號碼等資料,目的係乜?版主唔敢想了,總之,因為呢條國策,香港嘅中一卡兩號,當中的中國大陸號碼部份,都要實名。

呢個政策,已攪到中國移動香港 CMHK ,取消晒全部一卡兩號儲值卡,而對手中國聯通香港,都係呢半個月前取消埋!但更加強力嘅做法係,中國移動香港 CMHK 已制定了「一卡兩號」全新私隱條款, 講明若果你要申請及使用中國大陸號碼,你需要把你的個人資料,交由中國移動香港,再交比中國大陸有關部門。

重點如下:

1)你可以選擇唔提供資料,但中國移動香港唔保證中國大陸會肯為你提供服務。

2)   要給予中國大陸嘅資料包括:卡主姓名、流動電話號碼、聯絡方法及港澳居民來往內地通行證、中國公民身份證、護照或其它身份證明文件的資料等。

3)個人資料會俾邊個?係中國移動香港全新私隱聲明,講明資料會傳送予包括了總部設於中國內地的中國移動通信集團公司 (「中國移動集團」)中國移動集團、其附屬公司、關連公司,或由中國移動集團所持有或與中國移動集團其同屬一家控制公司的公司或聯營公司或承辦商(如適用);及 (b) 中國內地政府及其授權的機關。清楚,係中國政府都有份。

cmhk02.jpg
▲ 來自 CMHK 網站

版主知道,中國移動香港嘅一卡兩號月費客戶,已慢慢收到通知,要再填寫相關資料。昔日儲值卡客戶,都要有心理預備好快要提供資料了。網友點睇?

最新新聞