CMHK 雙 11 網店優惠! 五大超筍着數,優惠最高超過 $3600!

管理員 2016-11-10 18:30 | 中國移動香港
每逢一到雙十一,小編就會好興奮,唔係因為做光棍而興奮,而係通常呢啲日子,都會有好多廠商、網絡商,會進行限時的網上速銷優惠。就好似中國移動香港 CMHK 咁,「唔使去深水埗,唔使上淘寶」,去 CMHK 網店都會有好多特價商品可以選購,包括 4G 服務計劃、手機、手機配件、電話卡等等,應有盡有! 趁住雙十一有超低價旅遊數據卡,買定聖誕節去旅行用都得,加上 CMHK 採取網上訂購,店舖取貨的形式,唔使擔心屋企無人收貨,買嘢都買得安心啲啦!想知道有啲乜嘢超筍優惠?即刻睇下文啦!

CMHK(Facebook).jpg

Mark 低日子,CMHK 網店齊齊搶優惠!
講左最重要的事先,就算中國移動香港 CMHK 網店優惠有幾抵都好,最最最基本要知道的,當然係活動幾時開始,幾時完結啦!今次 CMHK 舉行的「雙 11 電商購物節」,將會在 2016 年 11 月 11 日凌晨 12 點開始,並於 11 月 17 日晚上 11 點 59 分結束,為期 7 日。當然,着數優惠梗係先到先得啦!所以記得 Mark 低日子,11 號當日就準時 Click 呢度,搶購心水貨品了!

超筍優惠 001: 客戶簽約選用指定 4G 服務計劃,優惠總值最高超過 $3600
CMHK 上台計劃,出名月費夠抵玩。不過,在雙十一限時活動期間,無論你係新客戶上台,抑或現有客戶升級,只要登記 4G 1GB、3GB、6GB、10GB 「全城移動」或「飛常大中華」服務計劃,並簽約 24 個月,即可獲贈超市禮券高達 $2000。如果選擇「4G 本地服務計劃」10GB 的客戶,除了原有的 $1800 超市禮券回贈之外,更額外加送價值 $1888 的 Bowers & Wilkins - B&W P3 Headphone,計番上黎,優惠總值超過 $3600!
 
服務計劃 合約月費 雙 11 優惠
4G 本地服務計劃 1GB $148 送 $700 禮券
4G 本地服務計劃 3GB $198 送 $1000 禮券
4G 本地服務計劃 6GB $248 送 $1200 禮券,MNP 客戶門店辦理業務時,可選擇每月贈送 3GB 流量優惠 (一旦選擇該優惠,不可以重複享受 $1200 禮券)
4G 本地服務計劃 10GB $368 送 $1800 禮券 + 加送價值 $1888 Bowers & Wilkins - B&W P3 Headphone (限量 300 個); MNP 客戶門店辦理業務時可選擇每月贈送 5GB 流量優惠 (一旦選擇該優惠,不可以重複享受價值 $1888 的耳機)
4G 飛常大中華 1GB $198 送 $800 禮券
4G 飛常大中華 3GB $258 送 $1100 禮券
4G 飛常大中華 6GB $318 送 $1400 禮券
4G 飛常大中華 10GB $448 送 $2000 禮券
▲ 客戶上台如以商業登記證登記,更可額外豁免 $18/月行政費。而新客戶上台「移動42」、「移動21」以及 「移動 Lite」限速服務計劃,並簽約 24 個月,亦都會送 2 張 iLovePhoto「100 張相片沖印」兌換券。

超筍優惠 002: 超平 iPhone 7 系列入手方案!買機最多減 $2000
一向買 iPhone,都係想佢減價都難,價錢企到好硬。如果有心想入手 iPhone 7 / 7 Plus 的話,機會來了!而家在 CMHK 雙十一活動期間,購買精選型號 iPhone 7 / 7 Plus,機價即減 $2000! 仲唔係抵到爛?不過,咁抵嘅優惠當然係數量有限啦!限量 111 部,每人限買一部。除了 iPhone 7 系列手機之外,優惠期內購買其他手機最高可獲贈 $200 超市禮券。

430526-iphone-7-7-plus.jpg

超筍優惠 003: $11 入手中國國內 / 台灣數據卡,精選儲值卡低至 56 折
每次 CMHK 搞網店優惠,點少得嘅係旅遊數據卡呢?今次的「雙 11 電商購物節」優惠,同樣都有數據卡優惠,最抵玩的相信是「中國國內數據卡」以及「台灣數據卡」,只需 $11 就可以買到,限量 111 張,每次只限買 1 張。如果搶唔到,都唔緊要,CMHK 另外仲會有一個不限量的精選儲值卡優惠,最抵玩係台灣數據卡,門市價賣緊 $198,而家只需 $111 就買到,計番都有 56 折; 而本地儲值卡單張、孖裝或 20 張套裝,則調低至 8 折銷售,一樣係咁抵玩。
 
儲值卡 11.11 優惠價 (單張 / 孖裝 / 20 張套裝)
$48 4G / 3G 本地語音儲值卡 $38
$68 4G / 3G 自遊行手機卡 $54
$80 4G / 3G 數據及話音儲值卡 $64
$108 4G / 3G 數據及話音漫遊儲值卡 $86
中國國內 / 台灣數據卡 $111 (首 111 張會有 $11 優惠)

4G3G-China-10-day-Data-Prepaid-SIM-Card-495x550.jpg  3G-Taiwan-7-day-Data-Prepaid-SIM-Card_495x550.png_218854360.png

超筍優惠 004: 手機配件最平一四折!
一睇小標題都知,呢個優惠真係不得了!精選配件產品,包括手機保護殼、microUSB 線、OTG 手指,將以優惠價發售,折扣最多的,應該是 Momax iPhone 6/6s 的保護殼,市價要 $78,而家只需 $11,就可以買到,計番折扣達一四折。
 
型號 優惠價
Mondrian iPhone SE 保護殼 (市價 $68) 優惠價 $11
Momax iPhone 6/6s 保護殼 (市價 $78) 優惠價 $11
@muse MicroUSB 線 (市價 $48) 優惠價 $11
MiLi iData 32GB OTG (市價 $699) 優惠價 $211

特別活動: CMHK App 2016 年「11.11 搖一搖送大禮活動」
指定 CMHK 客戶只要下載 CMHK 手機 App,在活動期間參加「11.11 搖一搖送大禮活動」,就有機會換取豐富獎品,包括外置充電器、超市禮券、三用 USB 手指等等,更有機會享有 UTV 至尊組合、接駁鈴聲服務月費優惠以及 4G 1GB 數據流量包優惠。

小結
睇完以上的優惠,有無都開始有點心郁郁呢?CMHK 每次推出的優惠,都係非常超值,就好似今次的「雙 11 電商購物節」咁,唔單止一向企硬唔減價的 iPhone 7 / 7 Plus 有「即減 $2000」,就連上台亦都有唔少着數,優惠更最高超過 $3600 添!咁正,就真係要記得,11 月 11 日凌晨 12 點準時上 CMHK 官網搶購喇!

Click 呢度可以即刻搶優惠

資料由客戶提供

最新新聞