唔駛轉手機!CMHK + 華為 Massive MIMO 人多上網一樣高速

Keith Yim 2016-11-14 16:11 | 中國移動香港
係因為中資定華為本身勁?香港四大自己有網嘅手機網絡商,三個已選定華為,包括本來用開中興與愛立信都全部改為華為構建的網絡。今日,華為及中國移動香港 CMHK,搶先示範最高上網速度達1GBps 的 4.5G 技術。但講到最強,莫過於可以唔駛轉手機情況下,單夠網絡升級,都可以用到穩定兼好快嘅上網速度,呢個 Massive MIMO 嘅技術,由中國移動總公司引入,香港唔係好多網絡商可以用到!真係咁勁?

CMHK-fb.jpg

TDD 頻段專享 Massive MIMO 技術

首先,是 show off。今日 CMHK 與華為用了兩套網絡技術示範點樣係現由嘅頻寬下,提升上網速度及容量。第一個是全球首次 2300MHz 在 TDD LTE  技術下,以 TDD Massive MIMO 方案,把本來 CMHK 擁有 20MHz 容量,做出超過 600Mbps 輸出峰值,提升網絡容量五至六倍。單在呢段 TD LTE 2300 20MHz 頻段上,已可以做到 112Mbps 上網速度。有乜用呢?呢個技術主要係基站嘅提升,

Massive MIMO 可以當係一個超級強力發射站,把本來 20MHz 2300 頻段,同時間容納更多人上網,係示範上面,在同一時段十六個人上網,每人嘅測速都可以去到 30Mbps。而基本上,只要你部手機支援 TD-LTE 2300 呢個頻段,就享用得到網絡嘅升級,唔駛夾硬換部新手機。

CMHK 表示,Massive MIMO 主要用在多人上網嘅地方,首階段會係尖沙咀先行,明年初再推廣至其他繁忙地段。

值得留意 TDD Massive MIMO 測試時,主要在建築物內及附近地面範圍進行。要知道,在中國大陸 2300 頻段主要用來成建築物的4G 覆蓋。CMHK 表示,TDD Massive MIMO 技術,亦有助改善室內嘅覆蓋。換句話,可以改善現時 CMHK 1800 頻段在室內時網速不夠快嘅問題,有 2300 頻段作輔助。另外,由於香港只有 CMHK 與 3 香港有  TDD 頻段,呢個由華為開發嘅網絡絕招,唔係個個網絡商都可以引進得到。

CMHK03.jpg


除了加強 2300 TD LTE 技術,CMHK 跟華為亦跟其他網絡商採用 Carrier Aggregation 提升網絡容量及速度。CMHK 表示,會把 FDD 2600 20MHz  + FDD 1800 10 MHz + FDD 2100 10MHz + TD 2300 20MHz 頻寬,加上 256QAM 及 4 x 4 MIMO 做到 1GBps 上網。但大前題,要有適合嘅手機。可惜,暫時未有。

實際網絡升級

好了,未來的事,有一日會實現,今日 CMHK 網絡有乜提升?

001 對比去年,基站多左 12%,發射站會係 2017年第二季基站更新 90%

002 已有十六個港鐵站加入了 2100 頻段 LTE 覆蓋,2017 年初共七十六個港鐵站。

003 港鐵站加入 2600 LTE 覆蓋,已完成尖沙咀站大堂升級工程,稍後有鰂魚涌,佐敦,旺角及太子站。CMHK 預計三年內開通共十八個港鐵站。


CMHK01.jpg

對於 CMHK 網絡,網友又有乜意見?不妨講講。

最新新聞