1GB 月費，最多 4GB 享受！3HK 推出 2 選 1 限時優惠！
版主昨日放假行街時，留意到 3HK 最近推出了限時優惠，由即日起至 2016 年 12 月 31 日，凡選用 1GB ($198) 或以上數據的月費計劃，並簽約 24 個月，就可選擇每個月要多 2GB 額外數據，或者獲得 2 個月月費回贈，而攜號轉台的客戶，更可額外得到多 1GB 數據。亦即是話，如果選擇 1GB Plan ($198)，就可以享有最多 4GB 的每月數據，比 CMHK 相同月費的 3GB Plan 似乎更抵玩。
▲ 3HK 近日推出了限時優惠，上台 1GB 以上計劃，送最多 3GB 數據。
有無伏味？CMHK 反擊，推出「上台送數據」，最多送 5GB!
剛才介紹過 3HK 的限時優惠，講到 3HK 比 CMHK 抵玩，不過經版主研究過，似乎只適用於 1GB 月費計劃。如果你選用其他的話，結果似乎不一樣。就以 3HK 2.5GB 為例，月費 $238，當你係攜號轉台，即係都有 5.5GB 數據。呢個價錢本應同 CMHK 不相伯仲，不過 CMHK 最近都推出了類似的攜號轉台限時優惠，在 12 月 31 日之前選用 6GB Plan，會額外送多 3GB。亦即係話，同 3HK 相比，俾多 $10 就有 9GB 的數據享受！另外，選用 10GB Plan，則會額外送 5GB 數據，並另外再加 $1800 超市禮券。
▲ CMHK 亦都有類似優惠，不過只針對 6GB 以及 10GB 全城移動計劃，如果低用量的用戶，3HK 似乎就比 CMHK 更抵玩，不過......繼續睇落去啦！
小結
睇完以上 3HK 同埋 CMHK 限時優惠的介紹，版主就同大家總結以下兩點:
001: 3HK 限時優惠針對低用量用戶，1GB 計劃 + 額外 3GB 數據，比 CMHK 3GB 月費還要便宜，但仍不及 HKBN 最平 $98 5GB 高速 Plan 抵玩。
* HKBN 4G 計劃暫不支持 VoLTE。
002: CMHK 限時優惠針對高用量用戶，6GB 計劃送 3GB，10GB 計劃送 5GB + $1800 超市禮券，相比 HKBN 月費計劃更超值。
3HK、CMHK、HKBN 的 4G 服務，網友又會點揀呢？