TD-LTE / LTE FDD 融合網絡升級至 4.5G 網絡
近來各個網絡商均強調自家嘅網絡已提升至 4.5G，而 4.5G 其中一項核心技術就是載波聚合技術 (Carrier Aggregation，簡稱 CA)，簡單來說就是讓用戶的手機，由以往同一時間只能接收網絡商由一條頻譜發出來嘅訊號，演進為同一時間接收不同頻譜。情況類似一加一等於二，目的是提升上網速度。因此，用家可更快完成某一頻段嘅上網工作，令網絡可容納更多用量，減輕網絡擠塞。其實，只要大家持有適合嘅手機 (支援 Cat 6 速度) ，便可以享受得到 CA 帶給大家嘅好處。中國移動香港 CMHK 是少數在香港擁有 TD-LTE / FDD-LTE 4G頻段嘅網絡商，一直以提供高性價比嘅數據及話音服務取勝。其中，「飛常大中華」4G服務計劃，一個月費、四地數據，更方便了不少來往中、港、澳、台四地嘅用戶。而喺網絡發展上，CMHK 亦靈活運用旗下1800、2100、2300 及2600 MHz頻段，再配合CA技術，網絡質素得以大大提升，當然大家最關心嘅就是實際上網速度與穩定性。
實地測試：港鐵新站引入 1800 + 2600 MHz 2CA 網絡
香港港鐵班次密，人又多！不少用家都投訴上唔到網。據知，CMHK於港鐵網絡覆蓋方面下左唔少功夫，喺新線觀塘延線：黃埔、何文田新站引入了1800 + 2600 MHz頻段 2CA 網絡。好處是網絡容量更廣，可容納更多人同時上網，而網速亦快好多。喺我哋嘅速測裡面，見到上網速度可以超過200Mbps，無論上網、睇片、Download 遊戲都快過人呀。
▲ 用家可在黃埔與何文田站月台感受到 1800 + 2600 MHz 頻段 2CA 網絡上網速度之快，最快超過200Mbps 架！
▲ 我哋喺何文田站作應用測試，睇 OTT 電視與下載遊戲都好快好順。
▲ 據知，CMHK已喺多個地鐵站加入2100MHz 頻段的 4G 覆蓋，現已開通太子站、尖沙咀站、中環站及金鐘站。在 1800 MHz頻段以外，多加 2100 MHz頻段的 4G 訊號，可作增加覆蓋之用，提升在港鐵上網時嘅流暢度。圖片裡面是手機開啟了Service Mode 後，見到正在接收 Band 1 即 2100 MHz頻段的 4G LTE 訊號。
▲ 除了車廂、月台，其實港鐵大堂都係人多嘅地方！大家都習慣相約喺港鐵大堂等人、交收之類。故此，CMHK 亦選在人口稠密的港鐵大堂- 尖沙咀大堂進行網絡升級工程，加入 2600 MHz頻段，令網絡容量更大，上網更快，睇睇測試速度就知道了。
▲ CMHK 於香港站與九龍站的大堂與月台，早已舖設 2600 頻段網絡，網速都好快呀。
實地測試：繁忙地區戶外覆蓋
實地測試：繁忙地區戶外覆蓋
CMHK 在新港鐵站引入 1800 + 2600 MHz 2CA 網絡，而喺室外人多地方，佢地亦會用盡 20+10MHz 嘅 TD-LTE 2300 MHz頻段來提供服務，以提升室外網絡覆蓋及速度，令用戶有更流暢的網絡體驗。
▲ 在中環 IFC 戶外，我哋都感受到 2300 MHz頻段 2CA 覆蓋，在中午街上人來人往的情況下，上網速度都達到 60Mbps，成績不俗。圖中見到 Band 40，並出現兩次，代表已做到兩段 2300 (20 + 10MHz) 同時接收，令網速更快。
小結：不停進步中
中國移動香港 CMHK 一直有很強嘅中港跨境服務優勢，但事實上佢地不只專注於開發跨境服務，同時亦投放很多資源於網絡發展方面，希望藉著更先進嘅 4.5G 技術，大大加強網絡容量及覆蓋，提供更快、更好嘅上網速度，CMHK 嘅用家慢慢會感受得到!資料由客戶提供