網絡商清貨大平賣!旗艦手機最平六二折!$600 入手 7 吋 4G 平板

左定坤 (Cho Ting Kwan) 2017-06-01 18:45 | 中國移動香港
又係版主同大家講手機行情的時候!好老實,版主近排都好納悶,最近市道實在太靜,要講減價的手機,幾乎已經同大家講哂,踏入六月,以為大舖又會有新優惠啦,點知今朝起身版主一睇,唔係喎,原來大舖啲銀行優惠全部都做到六月尾,呢一刻版主都覺得好灰 嘆氣。好在,就在呢個時候,居然發現有網絡商做緊清貨大平賣,當中旗艦手機低至六二折賣,而 7 吋 4G 平板甚至仲 $600 唔使!不過,貨量似乎唔算多,網友要入手,就要把握機會了!即刻睇下有乜手機減價先!

場料(Facebook).jpg

講緊嘅係中國移動 CMHK,唔聲唔聲突然間網店有超值優惠,見到好多手機都比出面大舖便宜好多,當中其實特別抵玩的,是 Sony 六吋手機 Xperia XA Ultra,當大舖仲係賣緊 $2298 之際,CMHK 居然只賣 $1398,比大舖平九百蚊,就算得 16GB ROM 都真心超值。可惜,咁超值的手機,在版主出文章的時候已經無哂了,唯有同大家講下,現時仲有乜嘢手機抵玩啦!

目前尚有減價的手機有華為 Mate 8、P9 (32GB)、P9 Plus、Nova 仲有 HTC Desire 10 Pro,可以見到其實 CMHK 喺度幫緊華為清貨,Mate 8 賣 $2780 睇番其實幾抵,雖然衛訊賣緊 $2980,但衛訊係 32GB 版本,而 CMHK 賣係 64GB 版本; 而 P9 Plus 就 $2780 可以入手,其實真心考慮得過。HTC Desire 10 Pro 係就係有減價,$1880 都真係幾平,不過都係果句,未到至低價,不及 3HK 上星期五網店優惠便宜。至於平板部份,講嘅係 7 吋的華為 MediaPad T2,支持 4G 之餘,只需 $580 就可以買到,買黎平時睇下片,都可以接受。你又有無興趣呢?時間無多,唔講咁多,即刻按這裡去 CMHK 網上商店搶購啦

1.png

2.png

3.png
 

最新新聞