主題:CMHK 推本地視頻數據卡 $88 50GB 任睇 Video 包 YouTube

ePrice HK
  • 發表時間:2017-11-11 14:42 收錄檢舉
    今日係雙十一,既是「光棍節」,但同時亦是廠商推限時速銷活動的日子。CMHK 都有份,不過呢篇文章想討論的,並不是佢哋有乜促銷優惠,而是 CMHK 趁着雙十一推出的新服務 - 「任我睇視頻數據卡」,$88 有 50GB 本地視頻數據,聽落好似好有着數,但實情又有無伏點呢?而呢張「任我睇視頻數據卡」,又能唔能夠挑贏 3HK 同 csl. 呢?睇下文啦!

    CMHK 推本地視頻數據卡 $88 50GB 任睇 Video 包 YouTube
     

    CMHK 首推「任我睇視頻數據卡」,$88 任睇指定視頻

    「任我睇視頻數據卡」,網友未必知道係乜,其實就係只要 $88 月費,並簽約 24 個月,就可以享有 50GB 本地指定視頻數據,以及 1GB 本地數據用量,對於鍾意用手機睇片的網友,聽落又唔算貴,幾抵玩,而且 6 個月內仲可以免費無條件取消合約。但有一個地方個人覺得係幾伏的,就是佢適用的指定視頻應用程式,只限於 YouTube、愛奇藝、優酷、咪咕視頻、咪咕直播以及 Clickplay,真係衰啲咁講,除左 YouTube、Clickplay 之外,其他都是大陸應用程式。其實這都不是問題,問題是而家好多大陸視頻軟件,都封鎖左海外地區 (包括香港),根本本身有好多片都睇唔到,咁申請呢個 Plan 俾到你有 50GB 睇片,又係咪叫有着數呢?

    CMHK 推本地視頻數據卡 $88 50GB 任睇 Video 包 YouTube
     

    3HK 指定時段任用數據,會否是個更好選擇?

    其實想喪睇片,但又唔想俾咁貴用真無限數據 Plan,其實市面上其他網絡商都可以做得到。首先睇下 3HK,3HK 本身其實有個 VAS 服務 - 「歡樂通宵」無限數據,只需月費 $48,就可以在每日晚上 11 時至早上 7 時呢個時段,不限用途享用無限數據,而最高下載速度更有 7.2Mbps,用來睇片都會好順暢。雖然 3HK 呢個 Plan 係有限制無限數據的時段,但都不失為一個喪睇片的另類方法。

    而如果你本身唔係 3HK 客戶,都唔緊要,因為 3HK 有張 myTV SUPER 狂熱儲值卡,價值 $128 然後你可以自己選擇需要的組合。如果選用 $78 組合,可以在「歡樂通宵」時間 (11pm - 7am) 任用數據,你鍾意睇片上網點用都得,不特止,仲可以享首月免費,變相其實 $128 已經可以俾你在凌晨時間喪睇片起碼兩個月。

    CMHK 推本地視頻數據卡 $88 50GB 任睇 Video 包 YouTube
     

    csl. Club SIM 都有娛樂睇片組合,$48 無限數據任睇 HMV 電影

    至於乜 csl. 都有類似的服務架咩?無,講緊嘅係之前介紹過的 Club SIM,你可以按自己的喜好,選擇適合自己的組合,而啱睇片人士用的,就是「娛樂組合」,月費 $48 可以無限本地數據任睇 Hmvod App 電影庫內的所有影片,性質上跟 CMHK 的 UTV 類似。你又點睇呢?

    CMHK 推本地視頻數據卡 $88 50GB 任睇 Video 包 YouTube
     

    比拼三大網絡商睇片 SIM

      CMHK「任我睇視頻數據卡」 3HK「myTV SUPER 狂熱儲值卡」 csl. Club SIM
    價值 $88 / 月 $128 / 月 (首月免費,平均 $64 / 月) $48 / 月
    合約期 24 個月 / /
    視頻數據 50GB 本地視頻數據 指定時間任睇 (11pm - 7am) 指定節目任睇
    本地數據 1GB 1GB /
    支持視頻 優酷
    愛奇藝
    咪咕視頻
    咪咕直播
    Clickplay
    UTV
    YouTube 
    無限制

    (包括 myTV SUPER 基本組合、TVB 外購節目點播組合、精選基本頻道組合、YouTube 等等)
    HMVod 電影庫影片
    備註 6 個月免費 CUT 歡樂通宵服務
    (11pm - 7am 本地無限數據)
    /

     

    立即加入Facebook 專頁,新聞/消息/優惠,最快知。

    01樓 ▲TOP 回列表頁