▲ 係上面圖片，大家會見到 KISS 字，據悉 KISS 會係 SmarTone 給予本身用家全新購物及付費平台。亦係數碼通 CEO 黎大鈞係離開職位之前，講明要為網絡商轉型嘅新服務。呢壇服務對網友來說又吸引與否?
Mobile Payment : 唔駛 NFC，支援 iPhone
版主知道 SmarTone 會推出 Online Shopping 與流動付款嘅平台已有一段時間，估唔到係最後跑出被香港電訊食左頭啖湯，係 csl. 推出 Tap&go 服務，之前已有文章介紹過。據悉 SmarTone 嘅 KISS 會係類似嘅平台，但所用的技術，會係全球獨家。csl. 嘅 Tap&go 唔係部部智能手機都用到，連最熱門嘅 iPhone 都無包括上去，主要原因是它採用了NFC 技術。而據悉 KISS 會使用獨家研發嘅 UltraSound 對應方式。安裝了 KISS App 嘅手機會以一 D 人耳也聽不到嘅超聲波，與 KISS 嘅終端機連接，進行付款。由於是由 App 主導，所以基本上只要係智能手機都可以用得到，包括 iPhone。
▲ Apple Pay 對香港用家來說，有得睇，無得用。推出以來，暫時得美國與英國用得到。香港網絡商都等唔切，包括數碼通在內，都用自家技術去處理 Mobile Payment 手機付款的功能。
不過，版主初步知道，SmarTone 不像 csl. 跟信用卡公司合作，所以商戶要另行安裝 KISS 嘅付費終端機。由於 SmarTone 母公司係新鴻基地產，所以推出初期會以呢個地產商嘅商場入面嘅商戶為主。
另一樣跟 csl. 嘅 Tap&Go 不同之處， KISS 更包括了手機版嘅商場，即係用家可以係 KISS 呢個 App 裡面作 Online Shopping。據知，KISS 還有一個很強勁嘅 Location Based 提示服務，當用家走到商戶附近，會收到優惠嘅資料，而資料會因應用家嘅距離、經過次數、逗留時間等作出不同安排，唔係普通唔關事嘅 Spam 優惠訊息。亦因為功能廣泛，雖然初期以新鴻基地產旗下商場嘅店主為主，但 SmarTone KISS 平實係開放給其他商戶參予，亦亦是 KISS 平台最終目標。
▲ HKT 開了一間子公司 HKT Payment Ltd 去處理 Mobile Payment 這個業務。而 SmarTone 亦成立了 Kissco Markting service Ltd 去運作 KISS。而版主係 Jetco 銀通嘅付款商戶資料，亦見到 KISSCO 嘅名字，相信 KISS 亦係香港其中一個 Online Payment 嘅平台。
據知，呢個 KISS 嘅購物與付款平台，會係 SmarTone 未來轉型嘅大計劃，似乎用家一向認知什麼減價搶客大行動，不會是黎大鈞先生帶給數碼通嘅最後指示。當然，最後 KISS 平台會係點，就要留意版主當日嘅分享了。大家又點睇？不妨分享一下。