一 App 在手,騙徒調頭走! SmarTone 用家獨享「海外提示功能」!

左定坤 (Cho Ting Kwan) 2015-10-09 17:12 | 數碼通
電話詐騙手法層出不窮,唔知大家有無無啦啦收到來自「中聯辦」、「順豐快遞」等嘅電話呢? 你會選擇玩番佢地轉頭,還是選擇避免中招嘅機會呢? 有啲時候騙徒會利用海外嘅電話去假冒香港來電,遇到呢種情況你會點處理? 為左避免呢個問題,SmarTone 加強了手機 App「來電管家」嘅服務,新增左一個「海外提示功能」。到底呢個係咩野功能黎架呢? 就等版主同你講下啦!

//timgm.eprice.com.hk/hk/mobile/img/2015-10/09/203515/prince1025_1_3149_80286af36fd5b007a14e1acc6b7009e5.jpg

呢個「海外提示功能」嘅主要功用係,如果你收到來自香港境外打黎嘅電話,咁你就會收到一個語音提示,話你知呢個電話係由海外打入黎,等你可以提高警覺。

//timgm.eprice.com.hk/hk/mobile/img/2015-10/09/203515/prince1025_1_3149_8fa390cb99a4bdacac52440e06210d68.jpg
▲ 你可以開啟海外來電提示,一經收到來自海外的電話,就會即刻通知你。

「來電管家」呢個 App 亦能夠有效咁阻擋滋擾電話,每次你一收到新嘅滋擾電話,你只要按一按舉報,咁以後就可以阻隔該電話號碼嘅來電。而你舉報左之後呢,會有專業系統及專員審查同核實,一經核實,其他嘅客戶都能夠受惠。

當然,「來電管家」嘅功能不止於此,如果想了解更多呢隻 App 嘅功能,可以按此查詢。呢個「來電管家」為 SmarTone 客戶提供左一個咁好嘅服務,咁當然唔會係免費架啦! 如果你係 SmarTone 嘅月費客戶,咁你就可以以每月 $25 嘅價錢享用呢個服務。如果你簽左 12 個月合約,你就可以以優惠價每月 $20 享用呢個功能。

唔知大家對於呢個服務有無興趣呢? 如果每個月廿幾蚊可以減低俾人呃嘅機會,大家可以不妨試下! 只需一 App 在手,就可以輕鬆管理所有來電,其實都算幾方便。不過呢個 App 淨係適用於 SmarTone 客戶,其他台嘅用家只能使用其他軟件啦!

最新新聞