SmarTone 觀塘開新店! 內設首個手機配件體驗區! 任試唔嬲!

左定坤 (Cho Ting Kwan) 2015-11-23 17:44 | 數碼通

SmarTone 最近在觀塘 APM 開左一間新的店舖。你可能會問，開新店咪開店囉，有啲咩地方咁特別呀? 觀塘 APM 新店特別的地方，在於 SmarTone 在該店內設置首個大型的 Accessories Zone。而 Accessories Zone 係咩黎架呢? 簡單黎講就係一個體驗區，內有不少的手機配件，能夠讓消費者體驗以及選購，感覺上有少少好似衛訊、Apple Store 果啲咁。


為滿足消費者的需要，SmarTone 特地喺世界各地引入各類設計獨特嘅智能手機配件以及周邊產品，等客戶可以體驗以及買到啲比較與眾不同的高質素產品，未來並會在全線門市增設以及擴大手機配件專區。APM 新店總面積超過 1700 平方呎，而 Accessories Zone 佔左大約一半的空間，內有不同種類的產品，包括高質素靚聲耳機、喇叭、健身手環等等，能夠滿足不同消費者需要。另外，店內亦都可以搵到韓國手製、設計簡約嘅真皮手機殼，有幾十種顏色選擇，大家都可以到店內睇下搵唔搵到自己中意嘅手機殼。


▲ 店內有不同種類的體驗區，包括耳機、喇叭、智能手錶、手環等等。



 

 
▲ 仲有不同顏色、韓國手製的皮革手機殼可供選擇。

其實我好中意 SmarTone 呢個 Accessories Zone，事關版主自己成日得閒嘅時候都中意落衛訊玩下機，除左可以俾用家上手體驗一下產品的質素，試到岩、諗清楚先買，而且仲有專人為你提供建議，讓你可以買到最適合自己嘅產品。唔知你又中唔中意呢?

地址：官塘 APM 上層大堂