手機被攻擊、資料被盜? 全新防毒軟件 ST Protect,示範點防駭客/病毒
|
數碼通
你可能會問:坊間有咁多防毒軟件,點解我要揀 ST Protect 呢? 有免費的唔用,做乜要特登俾月費去用呢個軟件? 頭先講過,ST Protect 係由 Zimperium 提供支援,而呢間公司本身在美國都幾出名,發明左全球首個人工智能手機預防攻擊系統,聲稱可以全面保障手機安全,避免個人資料外洩。
而 ST Protect 正正採用了人工智能的技術,不單止可以檢測到已知的惡意程式、病毒以及軟件,就連未知的以及零日攻擊,都能夠一一檢測到出來,並且會提示叫你卸載有問題的應用程式。另外,當你平時利用手機瀏覽器,連結可疑或者危險的網站時,ST Protect 亦能夠在手機遭受攻擊時立即發出警告提示。不僅如此,如果你在香港彧者海外遇到假 Wi-Fi,並且受到駭客攻擊,ST Protect 亦都會警告建議你終止 Wi-Fi 連線。
以下為受到 Hacker 攻擊的示範:
一般的防毒軟件,我們都需要將手機保持網絡連線,並且需要定期更新病毒檔,但正因為需要時刻保持網絡連線,好多時候都會令到手機更加耗電。而 SmarTone 今日推出的防毒軟件 ST Protect,不單可以 Online Protect,就算處於離線模式,都仍然能夠保護你的手機,唔洗頻繁更新 Signature file,相對一般的防毒軟件,能夠更慳電。
ST Protect 能夠支援 iOS 以及 Android 平台,不過目前淨係提供俾 SmarTone 客戶使用,而根據 SmarTone 所言,暫時未有對外開放的打算。而 ST Protect 將會以月費形式收費,月費最平 $18,SmarTone 客戶下載 ST Protect 之後,將可免費試用 1 個月。所以,大家可以下載落黎先試真啲,真係覺得好,再俾錢都未遲!大家點睇呢?
App 下載資訊
◎ App 名稱:ST Protect
◎ 系統需求:Android 4.0.3 或以上 / iOS 8.0 或以上
◎ 下載方式:免費 Google Play | iTunes