HKBN 香港寬頻手機台登場! 免費六個月 正價比 CMHK + SunMobile 更抵

Keith Yim 2016-08-04 14:24 | 數碼通
早前,香港寬頻 HKBN 宣佈,獲批經營流動虛擬網絡營辦商(「MVNO」) 服務,並於八月試運。話咁快,佢地嘅 Trial Run 計劃出場了。指定客戶,免費使用六個月,背後用嘅台,仲要係....

02.jpg

為了讓客戶先行感受 HKBN 香港寬頻流動通訊服務的表現,香港寬頻決定讓指定的新登記及續約的住宅寬頻客戶,率先免費體驗。凡於 8 月 31 日或之前選用香港寬頻的指定服務組合計劃,即可免月費享用指定流動通訊服務計劃(價值每月$108)六個月,攜號轉台更可免費獲贈額外數據。

01.jpg


根據條款,客戶須於 2016 年 8 月 31 日或之前成功登記及安裝指定極速王組合方可獲享香港寬頻流動通訊服務 $108 流動通訊服務計劃首六個月月費豁免之優惠。於首六個月月費豁免期後,此計劃將以無固定合約期 (自由約) 之方式繼續生效。客戶須每月繳付 $108 月費及$18行政費。此流動通訊服務計劃之本地流動數據首3GB(攜號轉台客戶的首5GB)之最高下載速度為 21Mbps。其後本地流動數據之傳輸速度(包括上載及下載)將會被限制至不低於128Kbps。正價月費 $118 ,有 3GB - 5GB 本地數據,比起 CMHK 與 SunMobile 同類月費都要平,可以講係平足全港。今次 HKBN 選用數碼通網絡!稍後可能有更多用 CMHK 網絡嘅計劃提供。

跟進:4:50pm
版主剛剛跟 HKBN 代表聯絡,肯定了呢個 Plan 係採用數碼通 4G / 3G / 2G 網絡,最高速度為 21Mbps,沒有合約。六月個月試用期後,可以一日內通知停台。而代表亦講到,當九月正式推出服務,會有更多種類,與不同用量計劃選擇,亦會有寬頻+盒子+流動通訊聯合計劃,而選用寬頻 + 盒子 + 流動通訊聯合計劃的話,手機月費部份更有機會低過 100 蚊。

最新新聞