在 SmarTone 的網上商店入面，選擇儲值咭及漫遊，你會見到有一張日本、台灣、新加坡、馬來西亞、印尼適用的旅遊數據咭，原價為 $228，可以 7 日任用 4G / 3G 數據，有得 tethering，而且唔限速添架。最近就做緊特價優惠，由即日起至 10 月 31 日，就可以八折網店優惠買到呢張 SIM，即係只需 $182，而且仲有得免費送貨。呢張 SIM 並唔係去個個地方都抵，不過如果你的目的地是日本，咁呢張 SIM 都算係幾抵玩。不過要注意的是，呢張 SIM 用嘅並不是 Docomo 網絡，而是 Softbank。
通常去日本，網友都會去買 Docomo 上網卡。Docomo 卡其實都有好多種不同的無限數據選擇，平時在鴨記都可以見到唔少，其中有張 8 天無限數據 SIM，只售 $60，不過問題係 2GB 之後就會限速，對於成日機不離手的版主來說，2GB 未必夠用。而 2GB 之後，就會跌番落 3G，最高速度只有 200kbps，非常緩慢。如果呢張 SIM 同 SmarTone 果張 7 日無限上網相比，你會寧願貴啲要高速上網，抑或係平啲但有限速呢？
