網絡商新玩法: 無限數據簽約 18 個月,回贈 10 個月!
|
數碼通
講緊 SmarTone 最新推出的網上限定優惠,由而家起至 8 月 31 日,只要你申請月費 $88 的「貼心智能手機計劃」(無限 384kbps 數據),並簽約 18 個月,即會額外送你 $880 SmarTone 網上商店禮券,可以用於購買智能手機、配件、儲值咭及旅遊數據咭,價值相等於 10 個月的月費。
不過,SmarTone 有一點好古惑,$880 網上商店禮券,並不會一次過派發,而係會分兩期回贈 ($300 會於服務啟用後 3 至 5 天內送出,而剩餘的 $580 將會在服務啟用後 181 日送出),但禮券係只適用於派發後 90 日內使用,即係變相逼你要去網上商店消費 2 次,如果唔係就會嘥左個優惠。但係,$88 一個月月費,你可以有 $880 用黎買配件又得,買手機又得,其實都係幾抵玩。你又點睇呢?留言講下啦!