香港寬頻公然宣戰:要搶盡香港電訊客!全靠呢三個重點?

左定坤 (Cho Ting Kwan) 2017-09-20 18:04 | 數碼通
講件好正的事俾大家知,今次真係好精彩!話說今日香港寬頻 HKBN 舉行發佈會,發佈會地點正正就是香港電訊 HKT 總部的樓下,咁都未算精彩,最正的是,HKBN 在發佈會期間,開名講到明:要搶盡香港電訊客!立即成件事充滿着較勁的味道,版主在現場充份感受到 HKBN 的雄心壯志。HKBN 要點做,先可以做到搶 HKT 客呢?原來,全靠呢三個重點:A T M!想知係乜?睇下文啦!

HKBN(Facebook).jpg

ATM 說的並不是櫃員機,而是關係到 HKBN 未來發展的三大範疇:

A - A/xDSL 寬頻  村屋有寬頻

首先第一步,HKBN 得悉現時很多村屋住戶仍然要忍受 A/xDSL 的緩慢網速以及高月費,有見及此宣佈在未來 12 個月內,將會針對村屋使用寬頻的問題,加快拓展光纖網絡覆蓋至五萬戶村屋,以極具競爭力的光纖寬頻及四合一服務組合,擴展村屋市場,搶 HKT 的村屋客。

IMG_1597.JPG

T - 家居電話  新科技新收費

根據香港電訊 2017 中期業績簡報顯示,現時 HKT 提供約 140 萬條電話線,而 HKBN 認為他們的家居電話服務收費更具競爭力,並且放風表示,未來在家居電話方法,將會有突破的新技術。具體新技術是甚麼,會唔會係增加平安鐘服務,抑或學 SmarTone 咁搞無線固網服務?HKBN 表示預計將會在未來幾星期內會講。

M - 流動通訊  搶客搶到 HKT 職員

關於 HKBN 的流動通訊服務,相信大家都不會陌生,而版主昨日亦都已經爆料俾大家知,HKBN 將會推出更有彈性的真無限數據 Plan,每月月費低至 $218。不過,原來版主昨日講的,未係完全版,仲有後續:如果你係 HKT 的員工,憑員工證上台更可額外減 $50 月費,即係最平 $168,就可以享用這個服務計劃。

今次 HKBN 開名講明話要搶 HKT 客,擺明就係向 HKT 宣戰,關於呢兩間公司之間的「大戰」,網友又支持邊一方呢?
 

最新新聞