蝕太深,被逼加價 + 出新招?香港寬頻下月玩埋 iPhone

左定坤 (Cho Ting Kwan) 2017-11-30 19:05 | 數碼通
香港寬頻 HKBN 玩埋手機台,都已經有一年,其實究竟賺唔賺到錢?好老實,佢點會大大聲同你講:我  蝕  錢。佢哋係賺錢定蝕錢,唔使講到出口,相信大家都心中有數,而 csl. 早前推出 HKBN 毀約轉台回贈 $2304,對 HKBN 的生意確實造成很大的打擊,可見 HKBN 逼於無奈下唯有不斷變招,先在手機月費上進行加價,再來下一步就是要賣埋 iPhone。不過咁,而家幾乎個個網絡商都有賣 iPhone,HKBN 而家先加入戰團,到底又有甚麼優勢,可以游說到網友去 HKBN 出機呢?想了解更多,睇下文啦!

iPhone X(Facebook).jpg

在 HKBN 官網上出現了一張 Banner,表示 iPhone X 於 12 月 8 日起接受預訂,Click 到入去會見到有兩個登記的選項,一個是住宅客戶,另一個是商業用戶。版主按入「登記 (住宅客戶)」,發現原來其實不是只有 iPhone X,即使是 iPhone 7 / iPhone 8 系列,都一樣可以透過 HKBN 購買,而且你可以自行選擇「淨手機購買」,抑或是「上台出機」,每人限買兩部。可惜收費詳情,暫時就未有公佈,只知道可以填寫個人資料登記左先,一有得接受預訂才會收到電郵 / 銷售員聯絡通知。

Screen Shot 2017-11-30 at 7.05.09 PM.png

不過,剛剛新鮮加入戰團玩埋賣 iPhone,點都應該會有些優惠吧?會唔會爆冷搶先將 iPhone X 淨機減價呢?詳情一有消息版主會立即跟大家分享。不過如果真係平過出面,你又會唔會去 HKBN 出機呢?

按這裡可登記預訂 iPhone

最新新聞