7日用 5GB 定價 $299！Facebook 、分享數據都用到！
版主要同大家介紹既 SIM 卡，就係由中國聯通香港推出既卡，定價 $299 可以係日本用 5GB ，有效期 7 日。計番起每日價錢大約在 $42 左右，同限速 384kbps 的 B-Mobile 價錢差唔多，但用緊既係全速 3G（支援 42Mbps) ，計落係咪更抵呢？網友聽到中聯通可能會擔心呢張卡會好似「櫻花卡」咁限制 Facebook 、蘋果動新聞同埋高登呢類港人常睇既網站，而呢張卡係用途、網站都冇限制，就算要用黎 Tethering 都可以架。版主就覺得相當實用，唔知大家同唔同意？有網友可能覺得 7日唔夠用。呢張卡另一個特點就係可以增值 $200 再用 7日／ 5GB ，變相用得愈多平均日費愈平，但要留意只有 30 日充值期，過期唔增值張卡就會失效，自問成日過日本既都可以考慮重複使用既！版主要提提大家，呢張卡係用緊 Softbank 網絡，同 B-Mobile 用 DoCoMo 有所不同，接收如何就希望有網友可以提供下意見啦
。睇完係咪想買張黎試玩呢？其實呢張卡暫時仲未有得賣，初賣日期係 2014 年 2 月 24 號，如果呢兩日出發既網友就未用到了
。不過開賣之後大家仲會唔會選擇 B-Mobile 呢？留言分享一下意見吧！| 價錢 | 用量 | 平均每日支出 |
| $299 | 7日 / 5GB | 約$43／日 |
| $499 | 14日/ 5GB | 約 $35／日 |
| $699 | 21日/5GB | 約 $33／日 |
▲除左可以係香港充值之外，亦可以上網充值，就算要係日本延長使用期都冇問題！
▲認住呢張卡，唔好買錯櫻花卡啊！