上次同大家講過 Prepaid SIM 投加價方案,都有唔少網友討論。其實要每個星期換一次 SIM 卡算係幾麻煩既一件事,未必人人受落。不過改變一下思維,用到 20GB 既網友最貴都係 $99/1GB 既額外收費,如果可以將支出降到 $30/1GB 既話又點睇呢?今次版主就同大家分享一些應急用的 Prepaid SIM 方案,上網上得多既網友要留意啦!
方案 1. 中移動 30 日無限上網!5GB 後限速賣 $150
第一個方案就係中移動既「無限上網體驗卡」啦。講起呢張卡相信大家都好熟,入面包 1800 通話分鐘、無限 4G LTE 上網,不過用量達到 5GB 之後就有機會被限速至不低於 128kbps 。點解版主會推薦呢張卡呢?一來計番 $150 既賣價用到 5GB 等於 $30/1GB ,用黎應急只係 csl. 、SmarTone 同埋 3HK 「額外收費」既三份之一;二來佢有效期夠長 ( 30日),即使月費用爆 Data 都可以用黎應急到下期帳單;最後就係呢張卡就算用爆 5GB 都仲可以上網(因為叫無限麻),最低限度都可以用來 Whatsapp 同上網,亦都有得用黎通話啊!
▲相當多網友知道的一張 SIM 卡,現時鴨記都加價到 $160 ,而先達等地方加到 $210 ~ $220 不等,不知道接下來會不會更貴。
方案 2. 中移動旅客卡玩 4 日 4G LTE! $33 張平玩 1GB 數據!
如果帳單到期前幾日唔小心用爆 Data ,又唔想比 $150 可以有咩選擇呢?方案二都係中移動卡,就係下圖呢張紫紅色既旅客儲值卡啦!呢張卡場內最平 $100/3 張,包 4 日 4G LTE 速度無限上網 (1GB 之後限速),每張卡亦包 180 分鐘打電話應該夠應急用。呢張卡同樣用過用量之後會限速到不低於 128kbps ,不過 4 日唔係多睇片既話都相當難用爆吧,最算要係 4 日內仲可以維持最低限度既 Whatsapp 通訊先,大家又認為抵唔抵玩呢?
▲應急用的中國移動旅客儲值卡,在鴨記很容易找到,版主找到最便宜是 $100/ 3 張
▲有檔口要將 12GB 上網卡清貨,最平賣到 $150 都有,亦有一批寫明用到 9 月底,價錢唔特別平,大家買既時侯要小心
▲應急用的中國移動旅客儲值卡,在鴨記很容易找到,版主找到最便宜是 $100/ 3 張
場內消息: CSL 三個月 12GB 玩到年底!最平 $150 入手趁早!
雖然唔關 4G LTE 事,不過有件事情想提提網友,就係一直以來 12GB/3 個月既 one2free SIM 卡就快消失了,版主問過呢批卡最後啟動日期係 2014 年 12 月 31 號,即係話最多玩到下年 3 月,入面包 12 GB 容量和 15,000 分鐘,是少數有 42Mbps 速度的 3G SIM 卡,亦可以作 Tethering 用,而家場價最平 $150 有交易!同時場內亦有「已開封」的 3 個月 12GB 卡,價錢同樣賣 $150 ~ $160 ,網友入門之前要小心一點啦▲有檔口要將 12GB 上網卡清貨,最平賣到 $150 都有,亦有一批寫明用到 9 月底,價錢唔特別平,大家買既時侯要小心