1. Jolla 手機是什麼?由什麼人開發?幾時會賣?
係講 Jolla 手機之前,首先同大家講少少 Jolla 既背景資料。玩開手機既網友應該記得 Nokia 係 2011 年放棄 Nokia N9 的 MeeGo 平台集中資源係 Windows Phone,隨後有份支援 MeeGo 計劃的 Intel 、Linux 基金會亦都退出,令到 MeeGo 既開發團隊自立門戶成立 Jolla ,創辦人就係兩個 Nokia 既前員工 Marck Dillon 和 Jussi Hurmola。Jolla 係 2011 年成立的主要成員包括前 MeeGo 和 N9 既開發團隊(也就是被 Nokia 裁員那一堆),不過要去到 2012 年 12 月才發佈 Jolla 手機用 Sailfish 手機系統,當時唔少睇過示範影片既網友都被震撼到,因為這部手機是沒有 Home 、 Back 等按鍵,只有電源和音量鍵,一部份的操作都是以滑動、手勢進行,於當時來說是很創新的操作理念(不過這兩年 Android / iOS 也加入了不少)
而第一部開賣既 Jolla 手機(亦都係即將登陸香港的那一部)就係上年年底正式推出,當時版主虎仔都同大家睇過外國網站既 Hands-on。而正式登陸日期就係 8 月 12 號,由 3 香港獨賣,暫時未有價錢和月費的資料。
▲ 3HK 將會獨賣 Jolla 手機,而登陸日期是 8 月 12 日
2. Jolla 手機規格如何?有咩賣點?
即將登陸香港既 Jolla 採用 4.5 吋 qHD 解像度、 Qualcomm Snapdragon 400 1.4GHz 雙核心處理器、 1GB RAM 、 16GB ROM (支援外置插卡)、800 萬像素主鏡頭和 200 萬像素前鏡頭,電池量是 2100mAh。規格只是說是中規中矩,其實在同價位亦有規格更好的 Android 手機可以選擇,要說它的賣點就是採用了 Sailfish OS 作為系統。Sailfish OS 的另一個優點就是可以相容不同系統的 Apps ,例如自家的 Sailfish Apps ,向下相容 MeooGo Apps ,亦可以運行 Android Apps ,所以即使 Jolla 商店內應用未齊全可以順利用到 Whatsapp 、 Facebook 、 Line 等功能(順帶一提,連 Tizen Apps 也可以用到,不過…),而另一方面它的賣點就是流暢度方面,從示範影片中見到,這部雙核心的手機流暢度不輸給 Android 上面的四核。最後 Jolla 手機可以更換不同的智能背蓋,而背蓋上面有一片 NFC 晶片,換左背蓋之後手機亦會自動變成不同的桌面風格、鈴聲風格,也是一個特點吧
▲更換不同的背蓋手機就會有不同的音效和主題風格,將來會有支援太陽能充電的背蓋出現嗎?有聽說過 Jolla 在開發啊!
3. Jolla 手機支援 4G LTE 嗎?
在香港這部手機是支援 4G LTE 的,頻段是FDD 800/1800/2600 三個頻譜,同時它是支援香港 WCDMA 900/2100 MHz ,可是不支援內地中移動的的 TD-LTE 和 TD-SCDMA 。4. 我手上有 Nokia N9 ,可以安裝 Sailfish OS 嗎?
因為 Jolla 公司唔屬於 Nokia 子公司,所以佢地唔會提供 Sailfish OS 既支援同埋應用比 Nokia N9 。話雖如此,因為兩者都係基於 MeeGo 系統,所以只要有人搵到刷機方式既話,理論上係可以將 Nokia N9 刷佢 Sailfish OS。版主上網搵到唔少人咁做,但聽講仍然有 Bug ,刷唔刷就自己諗下啦。▲ Nokia N9 曾經是版主 Eddie 的夢想,而家先達大概 $600 ~ $800 可以買到一部二手機
5. 既然市場有 Android / iOS 兩個咁完整既手機系統,點解我要買 Jolla 手機?
其實到呢一刻,版主 Eddie 都係未玩過 Jolla 手機,所以我都唔評論太多。我就其實試過裝 Jolla Launcher 同埋稍為體驗過安裝了 Sailfish OS 既 Nokai N9 ,相對於 Android 而言佢既操作方式係幾特別,主要採用滑動既操作方式令到單手都方便操作,然而係 Jolla Launcher 上面流暢度是遠不及 Jolla Phone (開啟 Apps 時就會 Lag),想更好咁體驗呢個新介面,應該就要搵部 Jolla 手機黎試啦。係文章刊登既時侯 3 香港仲未公佈 Jolla 手機既價錢,以 $349 歐元(近 $3,600 港幣)既價錢睇規格性價比真係唔高,如果要靠 Android Apps 既話還不如入手中階的 Android 手機哩,我諗會去入手的網友應該是為了試新鮮的手機系統吧。
▲Jolla 介面和 Android 實在很不同,然而在 Qualcomm S801 的手機上面裝 Jolla Launcher 也會 Lag