▲ 其實富士卡是 Co-Brand，由一間叫「游惠寳」的公司，跟中國聯通合作推出，所以是大陸卡，也用到 Facebook （過了由「游惠寳」提供的 VPN )。大家記住，日本只有 3G 及 4G 網絡，不要帶錯手機。
我不愛日本卡
好多網站都會介紹日本當地的 SIM 卡。老實一句，版主睇唔起。我會選擇係台灣、新加坡、泰國買當地儲值卡，但日本一定唔會，原因係又貴，又少用量。有網站介紹過 So-net，係就係用 4G LTE，同樣都是二百幾蚊港紙，但得100MB 流量，用 Whatsapp 都要就住。至於香港最多人用的 B-Mobile Vistor SIM，三百蚊港紙先得 1GB 或者無限 300kbps 限速上網，最慘是又要落機場先買到。我情願係香港買。不過咁，So-net 與 B-Mobile 都係用 DoCoMo 網絡，據說覆蓋、速度比較好，而中國聯通三款卡，包括今次使用的富士卡，都係用 Softbank，之前版主 Eddie 用過，速度一般。不過香港有得買，落機立即用得到。
▲ 今次版主深水埗鴨寮街 SIM 檔以 HK$138 購入，店主更幫手把它改為 nano SIM 卡，方便我的 HTC 新手機使用。
▲ 富士卡其實有提供 30MB 首天中國大陸數據使用量，方便開卡時，在大陸使用，若果你係大陸轉機去日本 (貪平遊日的選擇) 咁轉機個陣，都可以用佢來上網。
▲ 包裝有齊介紹及 APN 等資料。
▲ 今次版主用的是 HTC One Mini 2 香港無賣呢部機。
| 7日上網卡 | 櫻花卡 | 富士卡 | B-Mobile | So-Net | OCN | |
| 出品 | 中國聯通 | 中國聯通 | 中國聯通 | 日本 | 日本 | 日本 |
| 人手價 | HK$248 | HK$268 | HK$138 | HK$310 | HK$227 | HK$286 |
| 入手點 | 上網訂 | SIM 檔 | SIM 檔 | 上網訂 | 日本機場 | 上網訂 |
| 使用網絡 | Softbank 3G | Softbank 3G | Softbank 3G | DoCoMo 3G / 4G |
DoCoMo 3G / 4G |
DoCoMo 3G / 4G |
| 使用日數 | 7 日 | 7 日 | 7 日 | 14日 | 14 日 | 14 日 |
| 數據量 | 5GB | 5GB | 1.8GB | 1GB 或 限用 300kbps 速度 | 100MB | 100MB 每日，之後限速 200kbps |
| 可以 | 不可以 | 可以 | 可以 | 可以 | 可以 |
▲ 不同日本上網卡的比較，注意，全部都只係用來上網，打唔到電話架。Click 入上網卡名稱，有提供資料介紹 (如有)
日本試玩
今次版主去日本東京，目的是參予 HTC 的 Butterfly 2 日本發佈會。用的手機包括 HTC One Mini 2 及 Nokia Lumia 530。除了這張富士卡，亦有用上 HTC 安排的 B-Mobile 1GB 七天用量卡。用富士卡好處是，我在香港已為 One Mini 2 插上 SIM 卡，在國泰航班降落後，已可以立即開機上網，唔駛等係機場取機! 基本上，我部 HTC 手機，已認得這張是中國聯通出品的 SIM 卡，自動換上 APN，即 3gnet，所以未落機已上網! Yeah 爆啦。去到酒店，得到 HTC 給我的 B-Mobile SIM 卡，我有想過試來用，但版主小聰明誤事了，我當日才知道，有張 SIM 卡可以在手機表示完全收不到訊號下，只要自行輸入 APN，手機還可以上網 :o 百聞不如一見。亦因為這個奇妙體驗，我一直以為這張 B-Mobile SIM 壞的。而同行的另一位 iPhone 用家，亦用不到。當後來版主知道點樣用這張卡，也發覺 Lumia 530 也用不到 B-Mobile。這個壞體驗，令我去東京也不會再用 B-Mobile SIM 卡了，風險也。。。太。。。高。。。了。而版主亦有小用一天 B-Mobile，雖說真的支援 4G LTE，但要在強行用軟件 Lock 4G 下，才 OK，若果調至自動搜台，多數也是 3G 網絡。
講番富士卡吧! 四日三夜行程，時間很充裕，所以本來住在發佈會的地點附近，近東京䥫㙮除近的一間酒店，亦有機會去過不同東京地點。版就是靠富士卡維持住手機上網的 Facebook、Line、WhatsApp 即時通訊，亦有試過把手機 Tethering 給 Lumia 530 作 WIFi 使用 csl. 的「King 傾」打返香港，當然有開著 Google Map，全部用到無問題。當然，我亦有瀏覽網站，上蘋果日報、YouTube 等等，全部跟香港 3G 上網速度感覺沒大分別。版主亦在不同地點行過 Speed Test，發覺速度除了在上野 JR 站比較慢，低過 1Mbps，其他也是很不錯，幾 MB 的速度，比起之前版主 Eddie 試的中國聯通香港卡的 Speedtest 行得得好。
或者你會問，都係中國聯通出品，富士卡更不是香港發出，點解速度理想，更用到 Facbook 及 YouTube 呢？版主睇過介紹，富士卡其實由一間專門為旅客服的「游惠寶」推出，上網會經由他們的 VPN，繞過了大陸的網絡「防火牆」，估不到連速度亦比香港推出的更加理想。
▲ 「游惠寶」其實又是針對大陸來香港的旅客，所以 SIM 卡來，又有介紹香港的資料。十分奇怪! 而在日本使用時，每日凌晨，都會有 SMS 提示你用了大約幾多。1.8GB 夠不夠用？版主每天也用來不停 Facebook 及上網睇資料，亦有用地圖，每天也用 100MB 左右。若你不是不停 Tethering，每日 100MB 應差不多。
▲ 未出機門，已可以上網睇 Facebook 更新! 話時話，國泰準許航班降落後就可以開手機，但不是間間 Airlines 也可以，大家要聽實機內報告，先好係機倉內，開著手機呀！
▲ 未出關，係東京成田機場測速。速度 OK，但 Network Latency 也太高了。
▲ 上野 JR 站是人太多嗎？ 速度麻麻。
▲ 東京地鐵是不淮講電話的，唯有上網。
▲ 新宿街頭，上網速度算不錯。
▲ 在新宿的烤肉專門店，也有 3Mbps 的上網速度。
▲ 大家還記得版主的 Butterfly 2 試相，是在淺草拍的嗎？速度就是這樣了。
▲ 以前，中國聯通櫻花卡是上不到 YouTube，呢張都係由大陸出品的富山卡，在短片示範中，見到 Facebook；YouTube 及蘋果日報，全部也用到呢。