同以往 CAT 推出的三防手機相比，今次呢部 CAT S50 其中一項大改進就係終於支援 4G 啦！外型上 S50 厚 12.7mm 重 185g ，都唔算係好重。而係其他規格方面， S50 用上左 4.7 吋 720 x 1280 IPS 屏幕 、 Qualcomm S400 1.2GHz 四核心處理器配上 2GB RAM 同埋 8GB 內置容量（支援最高 64GB MicroSD 卡），而係相機方面就係 800 萬像素主鏡頭配上 30 萬像素前鏡，電池方面就用上 2630mAh 電池。比較特別的地方係 S50除左有 NFC 之外亦都有 Qi 無線充電功能。
三防作為 S50 賣點又點可以唔提呢？ S50 具有 IP67 最高防塵技術同水下一米 30 分鐘使用的防水保護，最高 1.2 米的抗摔，同埋可以係零下 22 度至 55 度的極端環境下使用。硬件規格唔係頂級但三防能力一流，唔知 $4488 呢個賣價大家又覺得點呢？