五千蚊入手保安手機 GranitePhone ! 美中政府都 Hack 唔入?
|
網絡消息
呢部名為 GranitePhone 係美國與巴西聯給出品,係一部被稱為對保障你私隱嘅手機,其實是一部 Android 5.0 手機,但加入了由 SIKUR 提供的加通訊軟件,包括電話、短訊、上網數據等。為 GranitePhone 特設的介面,亦會加入不少限制,如通訊時要斷掉藍牙、不容許安裝未經授權嘅軟件,只可以連入指定手機或 WiFi 網絡。而無論通訊或數據,都會經過 SIKUR 嘅保安網絡傳送。
GranitePhone 本身 spec 都唔錯,用 Qualcomm S800 CPU,2GB RAM + 16GB ROM,八百萬像素鏡頭,仲支援光學防手震。呢部機,仲係 4G LTE 手機,頻段當中包括了 Band 3,即係香港用得到。不過,就無得插卡、無得換電,因為要保安呀。GranitePhone 即日至 3 月 31 日進行 Pre Order,原價美金 $799, 三月特價美金 $639 (即刻買 HK$4984,五千蚊入手),介紹朋友又平 D ,美金 $559。除了手機,其實也包括三年相關保安 Apps 嘅下載、使用及更新。
講番轉頭,GranitePhone 人員捉住版主狂 Sell,因為佢地打算出年打入中國市場,佢地真係醒,一個充滿屏蔽行為嘅國度,其實更加需要屏蔽自己部手機!網友,你會五千蚊買呢部保安手機,定係一千蚊唔駛,買部風險米機?