用秘技開啟 WhatsApp Call 功能！網友分享 WhatsApp Call 試用心得

Eddie 2015-03-16 13:18 | 網絡消息

其實 IP Phone 網絡電話唔係咩新鮮事，好多年前版主去旅行都會用 Skype 去打電話，而 csl. 有 「傾 King」，上星期我都同大家試玩過 SmarTone 的「一機多號」都有做到 IP Call 功能。而大家每日用既 WhatsApp 都有 IP Call ，有網友用「秘技」去開通左 WhatsApp Call ，大家又入黎睇下佢既分享。

用秘技開通 Whatsapp Call！網友意見：質素不錯 會繼續用

今次呢篇文章係由網友 Warren Chan 報料，要開通 Whatsapp Call 其實好簡單，只要用緊 WhatsApp Call 既朋友打一次電話比你，你重開 Apps 就已經可以用到 WhatsApp Call ，不過聽聞官方已經關閉了 Invitation 功能，而家收聽 WhatsApp Call 都已經開唔到了。留意網友係運行 Android 5.0 手機（韓水 LG F460 ，所以唔關行唔行貨事），而佢既 Whatsapp 係最新版本（版主安裝最新版是 2.12.5)。根據他的講法， Android 4.x 的朋友都可以成功啟動 Whatsapp Call ，但未更新 WhatsApp Apps 就打唔通啦。

叫得做「隱藏」功能，就知道 WhatsApp 官方都係試行緊 WhatsApp Call 啦，網友分享過通話質素算不錯，通 4G 上網通話相當流暢，可以媳美 Vo-LTE 的高清 Call 質素，不過他的朋友就反映有「回音」問題，在通話的時侯會聽到自己的聲音，整體上大致良好的。他表示將來都會用 WhatsApp Call ，主要睇下自己同對方都夠唔夠 Data 用，當然係外地旅行／工幹既時侯都用到，亦可以打比外國既朋友，但始終對方上唔到網都 Call 唔到啊！

當然，大家既通話分鐘現在應該係多到打唔晒， WhatsApp Call 的一個限制就是需要對方都是 WhatsApp 用家（唔好以為人人都用，版主有副號碼是沒開通 WhatsApp 的），相對之下就不夠「傾 King」或者「一機多號」可以直接打電話方便，而市場入面亦有 Viber 、Line 、Skype 等對手，暫時都未見 WhatsApp Call 有什麼特別優勢，網友們睇法又係點呢？留言講講吧！


▲當開通了 Whatsapp Call 之後，就會多了一排 Call 的欄目，在通話畫面亦有個電話


▲如果 WhatsApp 版本不夠新，就會收不到 WhatsApp Call ，如果對方沒有數據上網同樣收唔到，簡單來說兩邊都需要 Data


▲打左 44 個電話，大約都是用 8MB 左右，雖然通話時間不長，

特別嗚謝網友: Warren Chan 提供資訊