漫遊 SIM 旅行必搶！美國 30 日通話卡平鴨記 $100！
唔知大家係復活節會想去邊度旅行， 今年東京櫻花滿開預計係 3 月 31 ，去賞花都係一個唔錯既選擇。之前版主 Keith 都同大家試玩過日本的「富士卡」勝在夠平！版主見 1.8GB/ 7 日都係賣 $98 ~ $120 ，對於用量一般的網友黎講算唔錯，但如果有 Tethering 需要版主會建議你用聯通日本 SIM，因為 5GB 用 7 日係相當夠用（即使你要睇片），中聯通網上優惠價 $208 平過鴨記少少，仲可以要求剪 Nano SIM 寄去屋企。台灣知道唔少網友都習慣落地先買 SIM ，上年台灣都推出左 4G 上網 SIM 卡，但經常都要排隊搞一大輪。而家中聯網上優惠平鴨記價少少， $149 有交易用足 7 日無限，仲要包 100MB 中港 Data 可以係機場／轉機時用，但要留意呢張卡用到 3GB 速度會被限制到不低於 128kbps ，版主如果短遊都會揀佢，畢竟時間就係金錢，你永遠預計唔到排幾耐隊先買到架！
南韓方面，鴨記的檔口都推中國推動 5GB ／7日卡，價錢大約 $150 ~ $160 左右，咁其實兩張卡有咩唔同呢？就版主知道，兩張卡都是採用韓國的電訊商 KT 。中移動卡好處是簡單，那 5GB 數據是香港／韓國共用，即使旅行用唔晒都可以留番香港用；而中聯通的韓國 7 日卡有 20 分鐘漫遊通話打番香港，亦包當地無限 Wi-Fi ，但就要在出發之前登記先用到，比較麻煩，價錢接近之下揀邊張可以睇個人需要。
版主見到最抵，就肯定係美國 30 日通話＋上網卡，呢張卡包 30 日無限上網與美國當地通話，亦可以無限在美國打 IDD 到 40 個國家（包括香港，詳情上官網睇），亦有無限美國當地短訊，無論係工作定係旅行都相當合用。呢張卡原價 $399 ，係鴨記都冇得平（最平咪 $398 囉…），而家官網賣 $299 咋！如果今年有計劃去美國既，就記得趁優惠入番張！
| 原價 | 網上限定價 | 鴨記價 | |
| 日本 7 日 5GB 上網卡 | $299 | $208 | $220~ $250 |
| 美國 30 日通話／上網卡 | $399 | $288 | $398 |
| 台灣 7 日無限上網卡 | $199 | $149 | $150 ~ $160 |
| 南韓 7 日上網卡 | $199 | $160 | / |
| 泰國 7 日上網卡 | $80 | $68 | $55~$60 |
▲因為鴨記的價錢浮動，這是文章刊出日子的大約價錢，就咁睇美國 SIM 是最抵的，泰國 SIM 版主經驗就係鴨記最平，不過就算泰國當地買都係 300 泰幣（約 $70），仲有人幫你 Set 埋 APN 啊
▲版主發現搵唔番呢隻日本 SIM ，通常深水埗檔都推富士卡，最平約 $98/1.8GB 用 7 日
再睇番其他幾款 SIM 卡，其實鴨記價錢都會平過網上買 $10 ~ $20 左右，要講平手的就有主打通話用的「漫遊王」 SIM 卡，其實計番車費兩種入手方法差既錢唔會太多，如果覺得深水埗唔就腳又有需要買，上網訂番跨境王 SIM 、中港 SIM 都係一個不錯的選擇來的。
▲版主發現搵唔番呢隻日本 SIM ，通常深水埗檔都推富士卡，最平約 $98/1.8GB 用 7 日
大陸跨境王 SIM 唔特別平！鴨記／網上買各有各好！
講完「外遊」，又同大家提提番大陸用既 SIM 卡。版主格完鴨記同埋網上優惠，發現距境王強化版（版主 Keith 之前介紹過呢張，有一卡兩號）都係鴨記比較平賣 $110。呢張卡入面有 $80 儲值額，開卡時即扣 $18 ，裡面得番 $62 唔夠錢開通一個中、港、澳門、台灣的四地 500MB/30 日組合(要 $68)，換句話說買就要增值先用到 30日／ 500MB 的組合，（但可以開 7 日/300MB 組合，扣 $48)，另外 6 月 30 日前開卡就先送 100MB 中港澳台四地上網，對於要去幾個地區，用量又低的網友來說是可以考慮的。再睇番其他幾款 SIM 卡，其實鴨記價錢都會平過網上買 $10 ~ $20 左右，要講平手的就有主打通話用的「漫遊王」 SIM 卡，其實計番車費兩種入手方法差既錢唔會太多，如果覺得深水埗唔就腳又有需要買，上網訂番跨境王 SIM 、中港 SIM 都係一個不錯的選擇來的。
| 原價 | 網上限定價 | 鴨記價 | |
| 跨境王 | $120 | $80 | $60 |
| 跨境王（加強版） | $138 | $118 | $110～$120 |
| 跨境王粵港共用卡 | $299 | $168 | $160~$170 |
| 中港 7 日 1GB 卡 | $150 | $108 | $100 |
| 漫遊王（通話用） | $78 | $68 | $68 |
▲大家想搶平 SIM 就要記得上中聯通網頁啦，每款限量 100 張，搶晒就冇架啦
版主最後提醒你：限時＋限量！要買就要搶！
睇到呢度，網友都可能覺得版主長氣，呢個優惠有幾樣野要提提你（最後啦，睇埋佢啦）1. 呢個優惠限時的，最遲做到 3 月 31 日
2. 每款 SIM 卡限量的，每款 100 張
3. 網上訂卡可以留意下有「最後啟用日期」，版主睇過幾張 SIM 都唔同。有 2015 年 12 月 31 與 2015 年 9 月 30 ，網上買之前睇清楚睇清楚睇清楚
4. 某幾款卡例如「日本 7 日 SIM」、「美國 30 日 SIM」在網上有免費剪卡服務，但記得在備註內寫明
5. SIM 卡詳情，最好在入手之前睇下官網介紹，或者參考以下文章都得
版主長氣到呢到啦，網友有任何問題都可以留言同我地交流下，如果有抵玩既旅行 SIM卡記得介紹比我地知啊！
漫遊上網 Tips 系列
1) 歐洲漫遊最平每日 $23 無限上網2) 唔駛五模十頻! csl. 即日打通中國聯通 4G LTE 網絡
3) 抵玩漫遊卡：日韓台星 + 澳紐 上網逐日計 $17
受歡迎漫遊上網消息分享
1) 版主東京行！中國聯通富士卡 七日漫遊上網 新嘗試2) 中國聯通跨境王新版! 一卡兩號儲值卡比拼
3) 台灣大哥大推台灣 4G LTE 上網儲值卡
4) 中國移動香港漫遊數據卡消息：韓國／台灣 ＋新加坡 + 日本