HKBN 出招 K.O. 旅行 WiFi 蛋? 日費 HK$55 39 地區全日上網

Keith Yim 2015-03-18 09:03 | 網絡消息
版主 Eddie 之前介紹過中國聯通漫遊數據 SIM 優惠與深水埗 SIM 檔賣價,網友反應好好!雖然去旅行,都要上網架。今日又有一個好消息,剛剛係主板上市嘅香港寬頻 HKBN 居然打入呢個爭得好激烈嘅漫遊 SIM 市場! 推出日費 $55 全日 39 個地區上網嘅 SIM 卡,到底可唔可以威脅到其他 SIM 甚至可以 K.O. 漫遊 WiFi 蛋? 最重要,好唔好用先?

//timgm.eprice.com.hk/hk/mobile/img/2015-03/18/201402/keithyim_1_4247_f8b06c1e6b21018d12b8f32703fbf8cf.jpg

HK$55 / 日包 150MB

今日版主收到香港寬頻嘅用家推廣電郵,表示推出「超值旅遊上網 SIM,$55/日 一卡通行全球 39 個地區」。一睇之下,$55 / 日,不是無限上網,而係每日 150MB,39 個地區,包括好受歡迎嘅日本、南韓、台灣、新加坡、泰國;亦有好難搵到 SIM 卡嘅歐洲、南非m 甚至俄羅斯。不過,就唔包中國大陸與澳門。

每日 150MB 用量,仲要收 $55 / 日,老實一句,若果你去日、韓、台、星、泰等地區,除非你真係去一兩日,用量一般 (150MB 係足夠應付 Facebook、WhatsApp、上網、Email 中高用量需要,當然唔夠睇片啦)。不過歐洲、俄羅斯、南非就唔同了,因為選擇無多,有得係香港買 SIM 好好了。

可以連續幾個 Pass 一齊用,用唔晒可以儲

呢張卡雖然每日用量唔多,但幾 Flexible。首先,你買了 Daypass,用爆 150MB 嘅話,可以多買一個 Pass 去補足。相反,用唔晒係可以累積去下一個 Pass,令一日唔止 150MB 可用。換句話,其實你可以一次買 7 日 Pass,就有 1GB 用量你用,大約 HK$385,只要記住唔好一日用爆 150MB 就可以。此外,佢係計算連續 24 小時,唔係用香港時間半夜12點計算,中間你亦可以一日內轉換地區,例如你住係新加坡,但係即日要來回馬來西亞新山 LEGOLAND 遊樂,咁你就唔駛無啦啦買張馬來西亞 SIM 卡囉。

版主評語:歐洲、非洲、俄羅斯 +  短途客最合用

好啦,版主推介呢張 SIM 嗎?首先,你一定要係香港寬頻用戶先可以買到。嗱嗱嗱,唔一定係 Broadband 用戶,版主只係 0030 IDD 客戶,基本上一個月都唔用一次都可以申請,咁你認做啦!若果問我抵唔抵,我覺得香港寬頻呢張旅遊上網 SIM ,比較適合去歐洲、俄羅斯、南非等冷門地區,或者你只係好短時間。若果去得三、四日以上,版主以前介紹過嘅上網方案,會比較適合。至於會否 K.O WiFi 蛋?版主覺得租借 WiFi 蛋過程十分麻煩,但若果你地係成家人,成班人,乜都一齊進行,咁一隻 WiFi 蛋,幾個人 Share 會比較抵。Wi-Fi 蛋已經唔係獨市生意,相信好快進入汰弱留強階段了。

//timgm.eprice.com.hk/hk/mobile/img/2015-03/18/201402/keithyim_3_4247_60beb76a2a259c8b86395e60cf0f93c1.jpg
▲ 寫明只有香港寬頻客先可以申請。不過版主其實只係用緊佢地 IDD 0030。

//timgm.eprice.com.hk/hk/mobile/img/2015-03/18/201402/keithyim_3_4247_40719873e63e57e5d83dd0ed065a71b6.jpg
▲ 要用信用卡付款,之後也可以係網上增值,SIM 卡本身都要 $30 一張,一次過嘅,之後可以增值再用。你可以選擇一次過買幾多日,幾多數據用量。

* 包括覆蓋地區如下:台灣、日本、南韓、新加坡、馬來西亞、泰國、印尼、澳洲、紐西蘭; 北美地區: 美國及加拿大; 歐洲地區: 英國、法國、德國、意大利、西班牙、瑞士、奧地利、荷蘭、比利時、希臘、芬蘭、瑞典、挪威、丹麥、阿爾巴尼亞、亞美尼亞、亞塞拜疆、白俄羅斯、愛爾蘭、摩爾多瓦、克羅埃西亞、愛沙尼亞、拉脫維亞、立陶宛、烏克蘭; 其他地區: 俄羅斯、南非、迦納。

版主推介其他漫遊上網方案
二月漫遊 SIM 格價:旅行慳錢秘技! 教你 HK$22 全球用 WhatsApp

中國聯通漫遊 SIM 網上特價 vs 三月份 SIM 檔價 : 網上買 SIM 抵過鴨記!日、韓、台、美都有平!
英國、瑞典、意大利、丹麥、奧地利、愛爾蘭及加拿大 : 3香港歐洲漫遊儲值卡, 最平每日 $23 無限上網
鴨記  $160 神卡:日韓台星 + 澳紐 上網逐日計 $17 | 揭 One2Free 160 蚊無限上網儲值卡 身世之謎
日本 1GB 用量::版主東京行!中國聯通富士卡 七日漫遊上網 新嘗試 | 
台灣 4G : 台灣大哥大推台灣 4G LTE 上網儲值卡
東南亞用免費 WiFi :   SIM 卡唔駛買! 版主教你 零蚊係東南亞用 WiFi 上網
中國移動香港漫遊數據卡消息:韓國/台灣 +新加坡 + 日本
一張 SIM 有齊台、日、英、韓漫遊 Plan : $80 買 SlimDuet 一卡用多國漫遊方案抵唔抵?

HKBN : 「超值旅遊上網 SIM」網址

最新新聞