3G 上網卡首選係邊張？睇你數據量用幾多啦！
日本既 3G 上網 SIM 大家會買邊張？之前版主同大家寫過富士卡，版主 Eddie 亦都試過中國聯通的七日卡，最近 SIM 檔就收起左 3.2GB 既富士卡，轉推 5GB 的 Happy Telecom 既日本 SIM ，究竟要買邊張？就當然要睇你係用量幾多啦，因為三張卡都係 7 日有效期，而三張卡都係用 SoftBand 3G 的網絡，香港的手機都是支援 2100MHz 的 WCDMA ，所以香港行貨手機在那邊用都不會有問題啊，而當然上到 Facebook 是必然的吧。如果要講超高用量，就可以考慮一下去買中移動日本卡，雖然都係 7 日有效期，但有 20GB 日本＋香港數據可以用，適合一些需要極高用量的網友，場內賣大約 $250 ~ $260 左右，想買的話可以去 1CM 網站入手，可以選擇 Nano SIM 或者 Micro SIM ，亦可以送貨到屋企，都係賣 $243 ，平過鴨記架！
上面呢幾張邊款抵？其實各有各既優勢！中聯通既 7 日上網卡勝在可以增值，可以再用 $200 用多 7 日；而中移動 20GB 卡是包香港＋日本兩地數據，如果日本用唔完都可以係香港用幾日，不過要平當然就係富士卡啦，畢竟場內最平 $110 買到，只要不太常上 Youtube /蘋果動新聞只是查查地圖、WhatsApp 都夠用啦！
| 7日上網卡 | 富士卡 | Happy Telecom 日本 SIM | 中移動 20GB | |
| 出品 | 中國聯通 | 中國聯通 | 中國聯通 | 中國移動 |
| 人手價 | HK$208 | HK$110～$120 | HK$198 | $243 |
| 入手點 | 上網訂 | SIM 檔 | SIM 檔 | 1CM 網站 |
| 使用網絡 | Softbank 3G | Softbank 3G | Softbank 3G | Softbank 3G |
| 使用日數 | 7 日 | 7 日 | 7日 | 7日 |
| 數據量 | 5GB | 1.8GB | 5GB | 20GB |
| 可以 | 可以 | 可以 | 可以 |
▲現在深水埗力推這張日本遊 5GB 卡，包 7 日 3G 上網
4G LTE 高速上網選擇！ $250 上 15 日／ $303 上 7 日邊個抵？
4G LTE 上網已經成為大家的習慣啦，去旅行似乎大家都想上網快啲，如果日本 4G LTE 上網又有咩選擇？版主今日行過鴨記，之前絕版了一段日子的 Japan LTE Prepaid SIM （最上張圖果張）又再回歸，呢張卡賣 $250 ，包 15 日的無限上網數據，不過只有頭 100MB 可以用到 150Mbps 的 4G LTE 上網，其後會限速在 128kbps ，直到每日 00:00 重新計算，這張卡適合需要 15 日上網的網友，畢竟買兩張富士卡都要 $220~$240 啊，就算被限速還可以 WhatsApp 對於版主來說還是夠用的。另外日本的 B-Mobile 有一張需要上網預訂的 SIM 卡，有效期 14 日可以用 1GB ，在日元低水情況下版主計過連稅賣 $258 左右，當中是不限速的，然而用到 1GB 就會斷網，上網需要「就住就住」，我就覺得冇咁爽快啦。而且需要先上網預約，再係酒店／機場攞 SIM ，這不會是版主的首選。
想要「真無限」的 4G LTE ，版主發現一個新既方案。大家記唔記得版主 Keith 同大家提過 3HK 既亞洲上網卡？之前 $248 用 4 日平均每日 $62 就唔係太抵，不過佢地推出一個新既方案，可以扣 $298／7日，佢地用既係 DoCoMo 既 3G/4G 網絡，版主去門市問過亦係不限速的無限上網。不過入面得 $288 要點用呢？其實就係要去門市最少增值 $55 ，計埋 $303 就可以打一次 Code 去開通 7 日日本無限上網，係就係貴過 B-Mobile 同埋 Japan LTE Prepaid 少少，但勝在夠快啊！
版主知道淘寶有一張賣 $69 人仔，都是開通 7 日的 4G LTE ，而每日最初 200MB 可以用到全速 4G LTE ，然後限速亦在 200kbps 的速度，睇落就比起幾張限速／有限量的 SIM 好，亦都好平價，版主本身就未試過呢張 SIM ，伏唔伏就真係唔知啦。另外版主要提提大家，日本 DoCoMo 的 4G LTE 頻段是 2100MHz 、1500MHz 、與 800MHz ，雖然東京、名古屋與大阪都有 1800MHz 的支援，不過較為郊區的地方未必收到，去日本還是自備一部收到 (Band 1) 2100MHz 的手機會比較好。（關於手機的頻段，當然要 Check ePrice 的手機資訊庫）
| B-Mobile | Japan LTE Prepaid SIM | 3HK 亞洲卡 | 自和自暢遊卡 | |
| 出品 | 日本 | 日本 | 香港 3HK | 大陸 |
| 入手價 | 約 $258 | HK$250 | $248+55(增值） | $69 人民幣（約 $85 港幣） |
| 入手點 | 上網訂 | SIM 檔 | SIM 檔 | 淘寶 |
| 使用網絡 | DoCoMo 3G / 4G |
DoCoMo 3G / 4G |
DoCoMo 3G/4G | DoCoMo 3G/4G |
| 使用日數 | 14日 | 15 日 | 7日 | 7日 |
| 數據量 | 1GB | 100MB 每日，之後限速 128kbps | 無限 | 200MB 每日，之後限速 200kbps |
| 可以 | 可以 | 可以 | 可以 |
▲張 Japan PrePaid LTE SIM 打開是這個樣子的
▲ 3HK 的亞太區 SIM 是中間果張，入面只有 $248 面值，鴨記賣 $248 ，然後要增值最少 $55 先可以打通 7 日無限日本上網
常見問題：Pocket Wi-Fi 係咪用到？要識得自己 Set 啊！
留意到好多網友都會問呢幾類 SIM 卡用 Pocket Wi-Fi 用唔用到，但版主都係要問你一個問題：你識唔識係 Pocket-WiFi 去 Set APN 先？因為版主以往的經驗都是要落地 Set 機，通常說明書入面都有手機 Set APN 教學，再唔係睇版主 Set 既例子都會識 Set，但係 Pocket Wi-Fi 真係熟讀說明書先好試啦。根據朋友的經驗，中移動的香港＋日本 20GB SIM 卡是沒有鎖到日本的 Teathering ，亦可以即插即用，唔使額外 Set APN （當然要搵網），如果是諗住用 Pocket Wi-Fi 它的大用量比多人用也會比較適合吧
。漫遊上網 Tips 系列
1) 歐洲漫遊最平每日 $23 無限上網2) 唔駛五模十頻! csl. 即日打通中國聯通 4G LTE 網絡
3) 抵玩漫遊卡：日韓台星 + 澳紐 上網逐日計 $17
受歡迎漫遊上網消息分享
1) 版主東京行！中國聯通富士卡 七日漫遊上網 新嘗試2) 中國聯通跨境王新版! 一卡兩號儲值卡比拼
3) 台灣大哥大推台灣 4G LTE 上網儲值卡
4) 中國移動香港漫遊數據卡消息：韓國／台灣 ＋新加坡 + 日本