2K芒、S810、4GB RAM、21MP 規格王!LeTV 手機登場 $1,499 人仔有交易

Eddie 2015-04-14 16:06 | 網絡消息
講左咁耐,LeTV 終於推出旗艦既樂視超級手機,而佢地一推出就推出三部,由低階去到高階,平價去到高價都有!但你應該估唔到,去到最平價既手機樂 1 ,都係採用 FHD 屏幕、跑分 50,000 ,有全金屬機身、支援雙頻 4G LTE 既新機,講規格同埋性價比可稱一絕,而高階版甚至有 2K 屏幕配 S810 呢個超級組合,大家又會唔會有興趣買呢?

//timgm.eprice.com.hk/hk/mobile/img/2015-04/14/201659/unrealandy_1_4247_113e602d96b31c80433f18186e02df1a.png

LeTV 樂 1 用新世代 MTK 處理器! 有 50000 分 稱跑分帝!

今次 LeTV 的三部新機都採用號稱無邊框與懸浮玻璃設計,邊框方面只有 1.2mm ,算是一個超窄的邊框,而最基本款的就是 LeTV 樂視手機 1(樂 1)。這部手機採用 5.5 吋 1920 x 1080 解像度屏幕、MTK Helio X10 八核心處理器,時脈去到 2.2GHz 是現時時脈較快的八核心,內置了 3GB RAM、16GB ROM ,相機方面是 Sony IMX214 模組 1300 萬像素主鏡頭,具備 O.I.S 光學防手震,而前鏡頭是 500 萬像素,它內置了 3000mAh 電池,因為採用全金屬機身所以是不能換電的。這部手機採用了 MTK Hilio X10 處理器跑分可以達到 50,000 分,已經不輸給 Qualcomm S805 處理器配合 3GB RAM 的機皇,這只是樂視手機中最基本的一部,已經相當厲害了!

//timgm.eprice.com.hk/hk/mobile/img/2015-04/14/201659/unrealandy_1_4247_b44e22f4d9f978ba66b46e69683657d9.png
▲號稱無邊框的設計,不過怎麼有 BlackBerry 某部機的影子在…

LeTV 樂 1Pro 升級用 S810 + Ultra Pixel!2K 屏幕旗艦賣

而高一級的 LeTV 樂視超級手機樂 1 Pro 規格已經相當驚人,基本上設計與樂 1 一樣,不過 5.5 吋屏幕升級到 2560 x 1440 的 2K 級數,亦採用了 Qualcomm S810 配 4GB RAM ,這顆八核心處理器跑分已經可以到 55,000 分左右,不知道配合 4GB RAM 會有多強的效能啊,它亦內置了 32GB 的容量,相機方面也是採用 Sony 的 IMX214 模組 1300 萬像素,不過前鏡頭就採用有 2.0um 的 400 萬像素鏡頭,大家睇個規格應該覺得熟面口,冇錯就係 UltraPixel 的水準!同樣佢係支援中國移動、中國聯通雙通道 4G LTE,而佢最高支援到 Cat9 制式的 450Mbps 速度,加上有 LEHI-Fi 定制晶片去強化聽歌效果。

比較特別的一點是它採用的是 USB-C 的插口,像 Lightning 一樣是沒有分上下的,算是一個小小的亮點吧。
//timgm.eprice.com.hk/hk/mobile/img/2015-04/14/201659/unrealandy_1_4247_e5ed31892a001c6c23cfaff2ad79079a.png
▲這就是樂視手機 1Pro 的規格,4GB RAM 相當吸引人。

地上最強?超窄邊框樂 Max 登場!有 21MP 相機!

去到樂 1Pro 已經採用到 2K 屏幕、S810 ,咁樣最強既樂視手機 Max 究竟係咩規格呢?最強的樂 Max 是6.33 吋的的 2560 x 1440 解像度屏幕配 Qualcomm S810 處理器、4GB RAM、64GB ROM ,不過主相機改用了 2100 萬像素的 Sony 感光元件,亦有 f/2.0 的超大光圈,號稱有全世界最快的對焦速度,前鏡頭同樣是 UltraPixel 等級的 400 萬像素鏡頭,內置了 3400mAh 電池,設計稍有不同的它有著指紋解鎖功能。

當然手機的一個重點都係有 LEHI-Fi 功能,呢部機既調音亦係由 AKG 進行,有特別的喇叭設計,當然佢係支援雙 4G 和 Cat9 的高速上網速度啦,官方稱呢部係「全球顏值第一」的手機(版主都唔知呢個字點解…),最終都係強調設計係靚到令人窒息既地步,唔知大家又同唔同意啦。

//timgm.eprice.com.hk/hk/mobile/img/2015-04/14/201659/unrealandy_3_4247_b0c4823c586e744f629b8f63aaf25216.jpg
▲超強規格的樂視手機 Max ,如果搵到一部比佢強既手機送汽車?係咪真先?

定價 $1,499 起!呢個性價比你搶唔搶?

終於去到一個重點,就係價錢!最平的樂 1 定價 $1,499 人民幣(約 $ 1,870 港幣),基本上金屬機身成本唔低,版主覺得呢個價錢真係相當驚人!樂 1Pro 定價 $2,499 人民幣(約 $3,120 港幣),以 2K 屏幕+ S810 + 4GB RAM 的手機黎講,性價比其實都唔算低(你看看 HTC One M9 與 Samsung Galaxy S6 的定價…icon);而最強規格的樂 MAX 定價就仲未定,佢地係玩全民定價,隨左比網民去決定定價之外,亦會送出 100 部樂 Max 做獎品!

而另一個買機的特點,就是每買 $490人民幣 / 年的樂視會員服務,手機價錢就會減 $300 人民幣,以 $1,499 人民幣的樂 1 去計算的話,一次過加入 5 年會員手機就免費了,而大陸更加包 6GB/月的流量數據,但係 Data 咁貴既香港,唔知做唔做到就一個問題了icon

可能大家都留意到相片是在現場拍的,冇錯版主 Keith 其實已經係北京既樂視發佈會現場,請得香港既版主去就代表呢部機會係香港賣啦!大家又會唔會考慮搶購一部呢?版主一陣會接觸到真機,想知道樂視超級手機 樂1、樂 1Pro 與樂 Max 的更多消息,記得繼續留意 ePrice.com.hk 啊!
 

樂視手機發佈會相關文章:

人仔 $1,499 LeTV 樂視手機上手玩!樂 Max 全金屬手感鬥 iPhone 
Letv 樂視發佈旗下超級手機專用介面 EUI Mobile
2K芒、S810、4GB RAM、21MP 規格王!LeTV 手機登場 $1,499 人仔有交易

在文章發佈的時侯,樂視手機 1 仍未公佈在香港的定價與開賣日期,按此看詳細規格和最新賣價。
在文章發佈的時侯,樂視手機 1 Pro 仍未公佈在香港的定價與開賣日期,按此看詳細規格和最新賣價。
在文章發佈的時侯,樂視手機 Max 仍未公佈在香港的定價與開賣日期,按此看詳細規格和最新賣價。

最新新聞