各位網友可以去中國聯通 ( 香港 ) 的 Facebook 頁面，會看到一段信息和一張圖片：
【 #香港聯通提提你 優先預留最新熱門旗艦手機】把握限時機會！萬眾期待、矚目全城嘅熱門旗艦手機即將推出！等唔切網上預購，想搶先預留手機？機會嚟喇！由即日起至8月16日，簽訂香港聯通指定月費計劃，我哋會為你即時預留手機，比你快人一步體驗至hit手機；另外仲送你自拍神棍，方便你測試新電話嘅超高清鏡頭。唔想下個月晨早8點鐘對住部電腦，撳爛個 F5 掣都買唔到呢部搶手貨，而家快啲去門市了解詳情啦，「機」不可失呀！
送自拍棍不是重點，重點當然是什麼手機！ 小弟當然第一時間去中國聯通網站尋找相關資訊，但未能成功找到有用資料，我就打電話去門市查詢這個 FB 消息到底是怎麼一回事？ 店員也跟我說，需要提前上台，使用 188 元月費以上的計劃。但當我詢問，到底新機是什麼？ 店員卻說：「呢個當然唔講得啦，9 月先出架！」 目前中聯通已經有 iPhone 6 系列手機發售，所以我只能夠想到的可能性就是：中國聯通將會在 9 月正式加入首批開售新 iPhone 嘅戰場，即係多一間網絡商有最新 iPhone 賣。
早前小弟亦已經收到風，指中國聯通將會在八月份正式全面提供 4G 網絡服務，配合全面提供 4G 網絡，中聯通能夠獲得新 iPhone 6S 的銷售權並不奇怪，但這樣進取提前搞預約出機？ 不管如何，這對於目前的電訊市場來講，競爭者越多理論上對用戶越有利。