藍魔擬 10 月推出 MOS1 Max! 傳配 6+ 吋屏幕、6000+ 電池!
|
網絡消息
▲ 今次藍魔推出的智能手機叫做 MOS1 Max,以「MAX 大有不同」為主題,希望想話俾人聽,今次呢部 MOS1 Max 將會㒹覆以往大屏幕嘅智能手機,大屏與手感兼備。
咁叫得做 MOS1 Max,咁相信同 MOS1 相比一定會大好多! MOS1 嘅屏幕尺吋為 5.5 吋,而根據藍魔喺微博上 post 嘅圖顯示,今次 MOS1 Max 將會採用 6.xx 英吋嘅超大屏,但實際係幾多英吋呢? 暫時只有估下估下,但根據外媒嘅估計,呢部 MOS1 Max 最終屏幕尺吋將為 6.45 吋,比目前嘅一切旗艦機還要大。
▲ 今早藍魔於微博上透露,MOS1 Max 將會有超過 6.XX 吋超大屏幕。
除左擁有超過 6 吋嘅特大屏幕之外,藍魔 MOS1 Max 嘅電池容量將會為佢嘅另一賣點。之前藍魔亦喺微博上透露,MOS1 Max 將會具備超過 6000 mAh 嘅電池容量,而睇番現有嘅智能手機,唔係好多部係可以做到 6000 mAh 以上嘅電池容量! 又大電池又長續航,相信會成為呢部智能手機最吸引的賣點!
▲ 數日前藍魔在微博上透露,MOS1 Max 將會有超過 6000 mAh 的電量,而且續航能力強。
雖然目前有關呢部智能手機嘅資訊唔係咁多,但單單係特大屏幕配以特大電池,已經深深地吸引熱愛「大芒機」嘅版主! 希望呢部機可以再為大家帶來更多驚喜! 唔知大家對於呢部手機有無期待呢?
來源:藍魔數碼Weibo | GizChina