主打中港數據共用，服務其實由 CMHK 提供
呢張「中港數據快線」包裝簡單，但其實在包裝套的背後已經透露左 Sim 卡的數提服務係由邊一間電訊商所提供嘅。因為有一句講得好清楚「於中國內地使用時，須開啟上網設備的數據漫遊功能才可使用，上網設定後接入點為 CMHK 」，見到呢句大家都明晒啦！所以係用呢張卡之前，大家要先留意所使用的手機是不是支援 TD LTE 以及 TD SCDMA 用以接受大陸的 4G/3G 網絡。再講一下「中港數據快線」的條款細節，呢張卡除左不支援話音同埋短訊服務之外，同其他 CMHK sim 卡不同的地方在於「中港數據快線」只係「一次性使用」，即係無得增值，數據用晒之後張卡等同報廢。
▲ 包裝背後有 SIM 卡啟用方法，可以見到佢講得好簡單，「將此卡放入上網設備，即可使用」，用起來又真係咁輕鬆就搞掂。
▲ 另外，可以見到 SIM 卡寫明開通後有效期為 15 天。同時 SIM 卡本身係 Nano 同 Micro 兩個主流 size 都用到。
▲「中港數據快線」除左由中國移動提供服務之外，要留意呢張 SIM 係不支援話音同短訊。
即插即用夠方便，大陸上 Youtube 、 Facebook 無難度
其中有一條細則列明用家可以由啟用當日起計的 15 日內，用到 3GB 的中港數據服務。換句話講，呢張 sim 卡比起部份大陸 4G 數據 sim 卡其中一項有優勢的地方就係可以首先在香港啟用 sim 卡，再調較好設定後返大陸使用，免卻到左目的地時再雞手鴨腳地搞一大輪先上到網呢個麻煩。
▲ 可以係香港啟用 SIM 卡同時用到 4G 係呢張 SIM 賣點之一。
版主一開始係用 HTC One M9+ 去測試（因為當時 M9+ 有更新，終於用到大陸 3G 了）。係香港使用時，係可以即時搜到台（當然係 CMHK），即時啟用數據服務，相當方便的。而去到北京之後，版主係解除左飛行模式後亦不用再花額外功夫，直接連到 4G 上到網，相當方便。另外，因為「中港數據快線」同樣屬於在香港出售的 CMHK sim 卡，所以上 Facebook 、收 Gmail 以及睇 Youtube 都不成問題，呢點同大家平時常用的 CMHK sim 卡無乜分別。
係講網速之前，可能有朋友需要用到 WiFi Tethering ，所以都會好關心呢張 sim 卡能否放到 WiFi 比人用。條款細則上「中港數據快線」沒有提到 sim 卡不許用作 WiFi Tethering 。而版主都測試過，最後係成功比到 WiFi 其他裝置使用的。但過程中有段小插曲，就係 M9＋即使放到 WiFi 但版主其他手機都係接收唔到，後來再以魅族 Pro 5 測試之下卻成功了。雖然有失敗的例子，但從最終結果來看呢張 Sim 卡仍然係可以 Share 到 WiFi 嘅。以下就係於北京期間版主所作的網近測試，大家又覺得成績是否令人滿意？
▲ 係香港機場上機前，版主已經做左一次 Speed Test ，雖然用起上來又唔覺好慢，但成績實在一般。
（下載 2.64Mbps，上載 0.48Mbps，延遲 26ms）
▲ 一見到相中場景就知當時版主剛剛到左北京啦！正如之前所講，解除左飛行模式後就即時上到網了，而且上 Facebook 亦無難度！
▲ 到埗後即時再做多次 Speed Test ，比起在香港時還要快。
（下載 4.20Mbps，上載 3.66Mbps，延遲 69ms）
▲ 到左酒店，再做多次 Speed Test ，成績也是差不多。
（下載 6.99Mbps，上載 1.84Mbps，延遲 113ms）
▲係酒店無所事事，再用 OFCA 做多次 Speed Test 。
（下載 5.85Mbps，上載 0.63Mbps，延遲 94ms）
▲ Tethering 應該係用家最關心的一環，畢竟一個要用晒 3GB 數提都唔容易。好多情況係一班人去外遊，再用一部手機當 WiFi 蛋咁用。而就結果而言「中港數據快線」係可以 Share 到 WiFi 的。
小結：$180 可作為高用量用家之選，缺點係貨源少
如果同現時市面上熱門的大陸 Data SIM 來講，博元呢張中港數據快線其實「競爭力」相當不錯，一來呢張 SIM 實際上都係一張 CMHK 大陸 Data SIM 卡，用返 Google 相關服務、 Facebook 都沒有問題。接下來再同其他 SIM 卡對比一下。現時中移動有兩張大陸 Data SIM 卡可選，首先有 10 日 1.5GB 定價 $148 的「4G/3G中國國內10日數據卡」，係深水埗 SIM 檔價錢更加只係 $120 。不過中港數據快線相比，缺點就係只有 10 日，而且如果會用 WiFi Tethering 的話 1.5GB 可能會不夠用。
相比之下，呢張 15 日 3GB 的中港數據快線在深水埗 SIM 檔價錢係 $180 ，係唔夠「4G/3G中國國內10日數據卡」平，不過用量就多一倍，對於用量大的朋友來講會更適合。但問題係，版主近日到 SIM 檔查問時，發現呢張 SIM 數量買少見少，好多店家都改左賣 1GB 用量 $120 版本。所以「買唔買到」比起「抵唔抵買」，可能係更實在的問題呢！
ePrice.HK 儲值卡分享與報導
1) 4G 限速，3G 提速! $115 42Mbps 速度 無限上網2) $58 / 1.8GB 用半年! 7-11 本地八達通儲值通話卡 平價上網
3) $50 4G LTE 無限一個月任用! 瘋狂試玩 CMHK 4G LiTE
4) $20 玩 30 日無限 Data＋ WiFi ！版主教路買平價儲值上網卡
5) 版主教你: 一蚊雞玩 WhatsApp ! 每月加 300 分鐘 $36 攪掂
6) One2Free 神卡 160 蚊 4G 無限上網
7) $180 4G 網絡無限上網來了! 不過要睇路呀!
8) 核武卡 : 每月 $68 30 日無限上網
9) 新 MNP 攜號神器! 信京華龍卡 每月 $14 ! 打到電話、上到網
漫遊上網 Tips 系列
1) 歐洲漫遊最平每日 $23 無限上網2) 唔駛五模十頻! csl. 即日打通中國聯通 4G LTE 網絡
3) 抵玩漫遊卡：日韓台星 + 澳紐 上網逐日計 $17
受歡迎漫遊上網消息分享
1) 版主東京行！中國聯通富士卡 七日漫遊上網 新嘗試2) 中國聯通跨境王新版! 一卡兩號儲值卡比拼
3) 台灣大哥大推台灣 4G LTE 上網儲值卡
4) 中國移動香港漫遊數據卡消息：韓國／台灣 ＋新加坡 + 日本