一卡通百多過地區
OneSIM 呢張卡好特別，香港有心人將美國 T-Mobile 嘅漫遊計劃，拆成預付 SIM 卡，再係香港發售。若果大家有留意美國 T-Mobile 網絡，其中一個最大賣點係為上台客免費提供全球無限上網及 SMS 服務，所以，呢張 OneSIM 可以做到一張 SIM 卡，全球百多過地區無限上網及免費收發 SMS 短訊，但不支援話音通話。當然，免費午餐沒有咁大碟嘅，呢張 OneSIM 上網卡，係限速的，無論你 Log 入當地嘅 4G／3G 定 2G 網絡，速度最係 128kbps，若果你係美國，就會有 42mbps 速度 (首 1GB)冷門地區 + 長途旅行 + 多國漫遊
你問呢張 SIM 平唔平？好睇你去幾耐同去邊到。OneSIM Package 有十四日 ($230)、三十日 ($330) 及一百二十日($1120)。若果只係短途去下日本、台灣、韓國、新加坡等熱門地區，老實市面有更平選擇，但若去得耐，或者跨國家、地區，甚至去一 D 無數據漫遊、當地 SIM 卡又難買到嘅地方，OneSIM 會比較抵！舉個例，香港去歐洲，唔少人會選擇取道土耳其、中東多哈甚至是俄羅斯，轉機個陣，就唔駛再靠機場似有還無嘅 WiFi，用手機就可以了。若果你係去歐洲多國，好似版主 Eddie 咁，就更加係一張 SIM 攪得掂。當然，若果你有本事去到老遠嘅南美，加勒比海地區，呢張 OneSIM 都似乎係唯一比較廉價嘅選擇。 不過，OneSIM 始終係限速上網卡，你當佢係俾你用卡 Facebook、WhatsApp、Line、Google Map 就好，當然仲有免費嘅 VoIP 通話服務，如 WhatsApp Call。打機、Tethering 就不用想太多了。
▲ 有留意，OneSIM 分為美洲卡、歐洲卡、亞洲及全球上網四種選擇，據知其實只是像「止痛藥」包裝，其實每一款都係打通全球百幾個地區。
版主推介新用途
呢張 OneSIM 仲有神奇用途。首先，呢張卡係香港係用得到嘅，所以係其他國家用唔晒，返來香港可以繼續用。之前，咪講過，呢張卡，源起係美國 T-Mobile，所以 OneSIM 係包一個美國電話號碼，亦會透過 VPN 線路先返美國再上網，某些服務亦當你係美國使用，版主想到乜呢？就係申請 Spotify 甚至是 Google Play Music 美國戶口。Spotify 其實係一個月認地區一次，即係你只要一個月內，用呢張卡接一接上 Spotify，之後可以用番香港 WiFi 、流動網絡享用 Spotify 美國免費版嘅歌庫。而 Google Play Music 會有免費 Playlist 串流音樂。中國大陸上到 Facebook
另一國版主推介嘅，就係當佢大陸 SIM 卡。版主得悉，因為佢本身係美國 T-Mobile SIM 卡，係中國大陸佢係上到 Facebook、用到 Google。而 T-Mobile 不但係中國大陸可以接通中國移動 4G TD-LTE、3G TD-SCDMA 甚至連中國聯通嘅 3G WCDMA 及兩台嘅 2G GSM 網絡都收到，基本上，係唔怕失去聯絡！
▲ 不同日數嘅 OneSIM 售價，當中 120 日賣 $1120，平均一日就係 $9.3
資料：OneSIM Facebook