最平價 Voice Plan
中國聯通呢個 「中港自由組合 PLAN」，係一月份，版主已介紹過，用家可以由香港話音、中國話音、香港數據、中國數據，四個項目任選擇一至四個組合 (按呢睇番一月份版本) 。七月份版本，改為簽六個月、十二個月、廿四個月合約 (以前最長係 12 個月)。呢個計劃係接受 MNP 帶號碼過台。七月份，中國聯通做左兩個限定優惠：首先，就係送中港一卡兩號，即係上台係合約期內，會有一個免費嘅中國聯通大陸號碼，當然亦有一個香港號碼。第二，就係免合約期內嘅行政費! 亦因為咁，做就出比起儲值卡，更加平嘅 MNP 養 Number 計劃。係下圖就知，以 12 個月合約為例，最平做到 $12 一個月，若你要打好多分鐘，$32 已包 2300 mins。我哋格過價，呢個 Voice 計劃，比起 SunMobile、數碼通及中國移動香港 CMHK 嘅語音 Only 計劃都要平。而送了中國號碼，更方便你係大陸開設服務。
▲ 「中港自由組合 PLAN」新收費，若果你唔揀香港或中國內地分鐘，都可以 HK$0.8 / 分鐘收你錢。
上網加速
中國聯通呢個 「中港自由組合 PLAN」，其實仲有一個好大特點，就係香港話音、中國話音、香港數據、中國數據任你砌，上面講左點樣做出最平 MNP 養 Number 計劃，其實你更可以把 $12 變為 30 分鐘中國大陸通話分鐘。若你有上網需求，仲可以申請最多 500MB 嘅本地上網、 500MB 中國內地上網用量。以一年合約為例，$58 就可以換到 500MB 中國大陸數據用量！之前一月份，呢個 Plan 係 4G 限速 384kbps，但七月份起已改為 4G 限速 21Mbps！大家都知 4G 行到 20Mbps 都叫好快 21Mbps 其實同無限速，無分別！另一樣係，中國聯通係大陸行 FDD LTE 1800 與 2100，大部份香港 4G 手機都用到，唔駛再睇係咪中港 4G 手機嘅。
▲ 呢個 Plan 已升 Level 至 21Mbps。同樣做到 $122 無限上網，可以中國大陸、或者係香港。不過都係 1GB FUP，之後限速 128kbps。係中國採用 4G 上網，支援 FDD-LTE 頻段。
▲ 如果你簽 24 個月合約，＄52 就有 500MB 數據，用到爆 ＄70 + $52 ＝ $122 任用，不過只係首 1GB 行 4G 21mbps，之後都係 128kbps。
資料來源：中國聯通香港