手機有 4GB RAM 都未必玩到？支援手機需求，官方話你知！
街上行人個個玩得好開心，有部份網友玩唔到？原來，係因為《Pokemon Go》唔支援佢地嘅手機，而其中一大受害者，應該就是 ASUS 舊有的 ZenFone 系列。原來根據官方顯示，講到明 Intel CPU 係唔支援的，所以如果大家係用緊配備 Intel U 的手機，就算有 4GB RAM 都好，都未必玩到《Pokemon Go》！想玩？換機是時候了！
《Pokemon Go》支援手機需求
| Android | iOS |
| － Android 4.4 至 Android 6.0.1 (Android N 用家暫時未玩得，直至官方 Android 正式推出) － 建議解像度為 1280 x 720 － 需要有強大的網絡連接 (Wi-Fi、3G 或者 4G) － 支持 GPS 以及定位服務 － 不支援配備 Intel CPU 的機型 |
－ iPhone 5 或更新機型 － iOS 8+ － 需要有強大的網絡連接 (Wi-Fi、3G 或者 4G) － 支持 GPS 以及定位服務 － 不支援已 Jailbreak 破解的機型 |
《Pokemon Go》存在不少問題？看看官方的回應
《Pokemon Go》官方在官網上，坦言現版本的《Pokemon Go》的確存在不少常見的問題，即係我地成日講嘅 bugs。而官方亦都列左一系列的 bugs，亦都針對呢啲 bugs 作出回應，睇下官方俾唔俾到乜野有用解決方案你。
001: PokéCoins、道具消失了？
如果你出現了 PokéCoins 或者購買的道具消失了的情況，可以嘗試先登出再登入。登出方法很簡單，只需要打開《Pokemon Go》，按 Main Menu (主目錄)，然後按 Settings (設定)，就可以選擇 Sign out (登出)。如果問題無法解決，可以嘗試直接重新開機。
002：Android 用家收到 "You already own this item" 的錯誤訊息，點算？
當你課緊金，在商店度買 PokéCoins 的時候，突然間手機斷開了網絡連接，咁你可能就會收到 "You already own this item" 的錯誤訊息，呢個時候，你需要重新開機，應該就能夠解決這個問題。
003：音樂／音效出現失真／延遲？
在某些情況下，Pokemon Go 的音樂以及音效，或者會出現失真或者延遲的情況。而官方表示，當連接上藍牙音響裝置的時候，情況會比較容易出現。官方稱已意識到這個問題，正在積極尋求解決方案。
004：超級「燒」電！多舊尿袋都唔夠用？
官方承認《Pokemon Go》的確會導致部份手機食電食得好快，不過暫時仲未有解決方法，正在想辦法解決。
005：遊戲顯示的位置不正確，甚至沒法移動，怎麼辦？
《Pokemon Go》官方表示，正在不斷努力改善 GPS 準確度以及其穩定性。一般來說，GPS 的準確度很大程度上取決於你使用的設備以及訊號的強弱。而為了提高設備的位置信息，可以檢查一下，到底應用程式有沒有啟用位置權限，其次就係要留意，到底網絡連接是否已經開啟 (3G / 4G / Wi-Fi)，另外就要檢查一下，開左位置／GPS 功能未，最後，可以將 GPS 設定為高精確模式。
006：下載遊戲的時候，顯示未在你所在的國家／地區提供這個項目，可以點做？
如果遇到這種情況，首先就要檢查一下你的 Google 設定，確保你的地址是在適當的國家。如果都係唔得，你可能就需要嘗試聯繫 Google Play 的團隊，尋求協助。
各位網友們，各位寵物小精靈訓練員，今日係時候要起程，向着寵物小精靈掌門人的目標進發！如果在過程中，出現以上的阻滯，或者出現更多其他的 bugs 的話，請透過 Facebook，在文章下面留言，報告更多關於《Pokemon Go》的 bugs。
來源：Known Issues | Pokemon Go Database
《Pokemon Go》香港上架及相關文章
Pokémon GO 香港上架！立即睇攻略 （附下載連結)
香港有份！手機任玩 Pokemon GO 免數據收費夢成真!
香港版《Pokemon Go》免 Data 收費任玩 ? 知道呢五件事 包無中伏！
4GB RAM 手機未必玩到! 官方 Pokemon Go 支援手機／問題大解構