手機台，唔算抵
今日 HKBN 香港寬頻正式手機台服務，佢地今日都係講會採用 SmarTone 及 CMHK 雙網絡，但今日先推出 SmarTone 網絡為本嘅手機服務。佢地嘅手機台，分為兩 Part。大家最關心係帶機上台嘅月費。睇上來，其實沒有太大驚喜，就好似把數碼通與 CMHK 嘅 Plan 炒賣一碟，又唔算特別平。下面有佢地嘅五個 Plan。佢地與數碼通嘅計劃，最大分別全部 Plan 都包括免費 HKBN 嘅 WiFi, 當然全部都要俾十八蚊每月行政費及要簽 24 個月合約，叫做比起數碼通好 D。而 $446 ＋$18 嘅無限上網計劃，亦因為數碼通由 iPhone 7 推出起加左價，會比起 SmarTone 平左。而小心 $88 / 384kbps 速限 Plan、與 $108 21Mbps 4G 係只限手機 ONLY，無得 tethering，不過 $108 Plan 其實有地獄上網條款，用爆左 3GB (或帶機上台 5GB) 都會俾番你 128kbps 獄速上網。
四合一，不用簽約
之前講過，手機台唔算抵，甚至有 D Plan 可能有伏，大家要睇真。但其實最抵玩，可能係四合一 Plan。即係乜呢，即係 HKBN 嘅寬頻網絡 + 手機台 + 固網電話 + OTT 影視服務，最平 100MB Broadband 速度會賣 HK$248 月費。而留意一下，呢個係無合約的，一個價錢包晒幾個服務，大家又點睇？比較有趣係，今次 HKBN 嘅 OTT 服務，已唔包樂視 LeEco ，要睇樂視影視，睇英超，全部要額外俾錢架。
Click 呢到申請 HKBN 手機台
Click 呢到了解四合一月費