主題:高用量上網抵價: $49 10GB + 無限通話 vs $99 三十日無限上網

ePrice HK
  • 發表時間:2017-02-10 15:18 收錄檢舉
    手機上網高用量嘅網友,一直都話上台費好貴,就算用儲值卡嘅網友,之前版主都講過,加陣高速上網 12GB 三十日都要二百蚊!有無可能做到一百蚊樓下?有,最近呢兩張卡做緊推廣,三十日 10GB 用量只收 $49,零行政費,另一張 $99 三十日無限上網,都係零行政費!

    高用量上網抵價:  $49 10GB + 無限通話 vs $99 三十日無限上網

    Lycamobile 新卡推廣
    若果你係 Google 打 Lycamobile,就會發現係 ePrice 版主第一個介紹呢張神卡嘅人。呢張卡賣點只有一個字:平。唔駛需要增值優惠,本來 $68 就有 10GB FUP 嘅三十日上網用量。雖然用的只係 3HK 3G 網絡,但一分錢,一分貨,不少人都用來作 Back up 高用量 SIM 卡。

    Lycamobile 最近做推廣,有一個全新 All-in-One 計劃,原本 $98,特價至 $49,就可以有 30 日無限上網、無限通話與無限 SMS。當然,要睇清楚條款。無限上網其實係有 10GB FUP,之後限速。無限通話亦只係用 Lycamobile 號碼打出嘅電話,打入另收費;而 SMS 就只係 Lycamobile to Lycamobile 號碼先至係免費。特別一提,Lycamobile 用澳洲 IP,Ping 數高,同埋睇唔到本地視頻網站,大家要留意。

    高用量上網抵價:  $49 10GB + 無限通話 vs $99 三十日無限上網
    ▲ Lycamobile 新增 $49 無限計劃,不過有事要注意,上文已講過。仲有,呢個 Plan 要由特別網址進入才申請得到,大家可以 Click 呢到:$49 無限計劃

    高用量上網抵價:  $49 10GB + 無限通話 vs $99 三十日無限上網
    ▲ 其實原價都係 $98,無行政費,不過要留意 Lycamobile 儲值卡,不支援 Tethering 亦睇唔到香港視頻網站嘅視頻。
     

    打通六地 i-SIM 開心數據卡

    好耐之前,版主都介紹過一張專給予遊客嘅 i-SIM,做到係手機睇廣告賺數量。i-SIM 最近升級做六地上網版,同樣睇廣告,可以做到係香港、澳門、台灣、馬來西亞、新加坡及韓國無限上網。不過,今次張卡就唔係免費了! 你要用錢買架! 首先,你要去佢地個 App 申請做 i-SIM 會員,佢地會 Send 張 SIM 俾你,只要你係 i-SIM App 輸入 SIM 卡資料,你就可以購買無限上網 Package,$39 包七日,$99 包三十日,無限上網仲可通上面六個地方,用晒又可以增值 (三個月內)。不過咁,你要有 Data 上網,先要睇廣告,一個廣告賺 20MB 數據量,最多可以儲值 2GB 用量,但用了 Data 又可以睇廣告加增值。係麻煩 D 要睇廣告,但 $99 無限上網喎,係邊到搵? 服左你 

    最後 i-SIM 講明用 3G 網絡,唔係 4G 架。

    高用量上網抵價:  $49 10GB + 無限通話 vs $99 三十日無限上網
    ▲ 要買 i-SIM 數據卡,你可以係佢地網站或用佢地個 App 申請做會員,你係香港地區,佢地會免費寄張卡俾你。

    高用量上網抵價:  $49 10GB + 無限通話 vs $99 三十日無限上網
    ▲ 收到張卡,係一年內啟動,啟動後,你可以揀七日無限上網,或 30 日無限上網,係 App 裡面俾錢。呢張卡有效期係九十日,期內增值延長使用期限。無限上網打通圖片裡面六個地區,你係香港用,定旅行用都可以。
     

    參考網址: 

    Lycamobile | iSIM 閞心數據卡 
     

    相關介紹: 

    儲值神卡! Lycamobile 進軍香港 $68 / 10GB 極速上網​
    得政府大獎 i-Sim !七日免費手機上網有無伏?
     

    其他儲值卡介紹

    Your Mobile 代替品!3 香港副牌 Network III 推 14 日 6GB 驚喜價?​
    Network III  $280 / 10GB 年卡 + 1000 分鐘
    VAVE 4G 無限 4G 儲值卡
    日本漫遊神器:泰國出品 SIM2Fly 速度穩定,可變身全球漫遊卡
    聯通 4G 數據王 $74 蚊 4G 無限上網卡現身 (限速)
    全球漫遊 SIM  :   OneSIM 冷門地區無限上網唯一選擇
     
    多謝支持 ePrice.HK

    立即加入Facebook 專頁,新聞/消息/優惠,最快知。

    01樓 ▲TOP 回列表頁
    熱門討論▼
  • 發表時間:2017-02-16 12:26 檢舉
    好文要推!

    有空做埋近來有咩海外上網卡荀嘢就好了
    02樓 ▲TOP 回列表頁
  • 發表時間:2017-02-16 21:27 檢舉
    之前介紹過AIS 卡堅好用
    多謝支持 ePrice.HK
    03樓 ▲TOP 回列表頁