前排 ViuTV 搞埋啲乜嘢《籌旗》節目，逼本來無需要用到 Tap & Go 「拍住賞」嘅版主，都特登開左張 Tap & Go 卡，並且入左 $200 儲值額入去。咁就出事喇！《籌旗》節目玩完之後，版主平時出街，甚少會特登用張 Tap & Go 付款 (因為比較少買嘢)。不過，最近 Tap & Go 又有新搞作，都算係幾有用，版主或者可以趁住呢個機會，用下呢張 Tap & Go 卡。網友又覺得呢個優惠，吸唔吸引呢？睇下文啦！
原來，今次 Tap & Go 同 OK 便利店合作，推出限時優惠，由即日起至 2017 年 3 月 22 日，只要喺全線 OK 便利店購物滿 $40，並用 Tap & Go 完成付款，就可以有 $10 回贈。無論你係新舊客戶，都可以享有呢個優惠㗎！不過當然，如果你係在推廣期內申請嘅新客戶，着數就會多少少，最多可以回贈 5 次，而現有客戶就最多可回贈 3 次。都好吖，買 $120 嘢都可以有 $30 回贈番，版主我仲唔趁住今次機會，睇下 OK 便利店有乜嘢必需品，買定番屋企以防不時之需？另外，Tap & Go 「拍住賞」而家已經可以在全線 OK 便利店現金增值，都算係相當方便，網友又點睇呢？
