唔使版主講到咁明，相信平時有睇開版主寫手機行情的新聞，都知道我好多時候講的「深水埗細舖」，指的係邊一間，唔知的話，歡迎隨時 PM 版主問。呢間細舖已經立足深水埗鴨寮街多年，是公認的一間有信譽的老字號店舖，毋需依賴格價網，靠的是佢嘅口碑，佢所賣的手機價錢，很多時候都比格價網上的還要便宜。可惜，再有信譽的老字號店舖，都有說再見的一天，這間店舖最終於 2017 年 3 月 31 日結束營業。版主昨日經過鴨寮街看到，剩下的只是一間空店。
有些網友可能知道，其實這間店舖在太子始創中心都有分店，只不過是以不同的名稱經營。問及太子果邊會否如常營業，有知情人士透露是全線停業，唔玩手機零售，會轉型做批發。
點解就連呢間做左咁耐的老店，最後都要放棄手機零售呢? 係咪真係呢行搵唔到食? 有其他深水埗細舖店主嘆道：手機賺錢的年代已經過去。
是競爭法速成這個現狀嗎？是因為競爭法的出現，就連呢啲老字號商舖，都要被逼離場？手機店舖唔難搵，唯獨一間信譽好的店舖，實是難求。長此下去，說不定有一日大家想買手機，都無得揀，只剩下大舖、網絡商一個選擇。如果係咁，你又會有甚麼感受呢？