買咗啲貴嘢又唔擺得入屋，搞到成日心掛掛，飲杯水都要行過去門口望下。忍痛買左架Tesla又要日日泊門口充電，小朋友啲單車又就咁擺門口，仲有好多嘢都擺咗係門口，次次都好擔心會比人偷…
呢苦水可能住九龍香港嘅朋友可能會有啲陌生，但係住係新界、元朗嘅朋友就會好明白當中嘅矛盾。要保護好自己嘅財產，去買一個 IP CAM 可能就最方便同最快，又可以嚇一嚇啲小偷，真係報警處理又可以有證有據，但市面上都有唔少選擇，今日我就同大家分析下，一個好嘅 IP CAM 應該有啲咩嘢特點，同介紹一下幾款表現比較特出嘅 IP CAM 啦。
一、防水防塵 想擺邊就擺邊
首先，一個好嘅 IP CAM，第一樣要做得到嘅就係要防水防塵，樣市面上好多貴少少嘅 IP CAM 都做得到。可惜嘅係，唔係隻隻 IP CAM 都可以比你想擺邊就擺邊。好多 IP CAM 都要求用家鑽牆同拉線，搞爛曬間屋，要整又要拆。咁樣嘅成本非常高，亦非常麻煩，以上條件亦限制了 IP CAM 的放置點，不能因應唔同隔局放喺最佳嘅點，所以如果要買 IP CAM 最好就揾番啲無線嘅會比較好。
今日我揀咗 NETGEAR 嘅 Arlo Pro 做一個示範，比大家一個概唸到底今時今日嘅 IP CAM 界發展到咩程度。Arlo Pro 嘅安裝無需拉線，佢有個 IP65 防水防塵外殼及磁石底座，裝咗就可以隨意放喺室內或戶外，咁先算夠靈活。
二、高清Wide鏡頭
第二，就係個鏡頭本身要夠 Wide，而且要夠清先可以作為有效嘅證物，所以要愈清愈好，以前個年代睇嘅多數係 480p，以而家嘅標準嚟計可以話非常矇，依家嘅最少都去到 720p 先叫清，低過就唔好買，可以嘅話最好番揀 1080p 就最安心。
以上面講嘅 Arlo 為例，佢有 1080p 版本，也都有 720p 版本，也可以做到 130 度嘅影像拍攝，如果做唔到廣角同高清就真係無咩用，所以真係要試清楚、睇多啲先好買。
三、直接阻止罪案發生
嗯，呢樣的確要求比較高，但係真係好重要！呢樣已經成為好多廠商發展嘅新方向，就係 IP CAM 喺固定預設的時間內，一旦在偵測範圍內有動作，IP CAM 就會發出巨響，在市面上比較貴嘅 IP CAM 都會有呢個功能，大概 80-100 分貝。
以上面提到嘅 Arlo Pro 為例，而家廠商已經可以做到，一旦發現周圍有可疑嘅動靜，佢就會自動透過電郵傳送通知，同發出 100分貝警示，嚇退可疑人物。當然愈大聲愈有效嚇走小偷，但愈大聲，價錢自然會比較貴，呢樣大家就要自己去權衡啦。