設定網站通知

平過 CMHK 近 6 倍？新漫遊咭 Avirsim，$71 全球任睇片 + 碌 Facebook

左定坤 (Cho Ting Kwan) 2017-08-17 22:25 | 網絡消息
對於版主來說，一年出 N 咁多次 Trip、去 N 咁多次旅行，去到不同的國家 / 城市，無得打 IDD 傾電話都係事小，無得用 Whatsapp、Facebook Messenger 同香港朋友傾偈先係事大！如果你平時除左通訊軟件，好少上其他網的話，特登開個漫遊 Plan，每個月捱貴月費，其實唔係咁抵。但係，如果出親 Trip、去親旅行又要去深水埗買儲值咭，又好似好麻煩，時間成本太高。咁仲可以有乜更好的選擇呢？最近推出了一張叫做 Avirsim 的儲值咭，只需一個月費 / 年費，就可以在全球 200 個國家任睇片 + 碌 Facebook，又係咪正先？睇下文啦！

SIM（Facebook）.jpg

挑機環球 Plan！Avirsim 支援全球 200 個國家無限任用 50+ 軟件
Avirsim 到底係乜嚟呢？好簡單，買張 SIM 番黎，一插即用，就可以在全球 200 個國家 / 城市，無限任用超過 50 款應用程式，包括 Facebook、YouTube、Instagram、Gmail 等等。Avirsim 預計將會在今年 10 月正式推出，有包月制以及包年制兩種選擇，原價分別為 59 美金以及 249 美金，而家在 Indiegogo 進行眾籌有早鳥優惠，分別以 39 美金和 109 美金，就可以入手，折合港幣約 $305.1 以及 $852.7 (原本最平 29 美金同 99 美金都已經可以買到，可惜在文章發表時已經被搶哂了 唔制)。雖然一次過要俾八百幾蚊，但如果你成日要出國的話，又有得俾你無限 YouTube 睇片，唔使擔心數據限制，你又覺得會唔會抵用過市面上的環球 Plan 呢？

allappsss.png
▲ AvirSim 可以任用的軟件有超過 50 個，當中包括最常用的 Facebook、YouTube，咁可以任睇片，係咪正先？

Screen Shot 2017-08-17 at 10.05.54 PM.png
▲ 支援 200 個國家。

挑機 CMHK 環球 Plan！Avirsim 抵 CMHK 近 6 倍？

  Avirsim CMHK「飛常環球」服務計劃
平均月費 ($852.7 / 12) = $71.1 $398 + $18 = $416
覆蓋範圍 200 個國家 70 個國家
服務 無限任用 YouTube、Facebook 等超過 50 個應用程式 一個月 6GB
▲ Avirsim 計番平均每個月，都只係 $71.1，就可以在全球 200 個國家無限任用 YouTube、Facebook 等超過 50 個應用程式，而比較返 CMHK「飛常環球」服務計劃，無錯係可以用途無限制，想上咩網就上咩網，但一個月只有 6GB 之餘，仲要每個月俾 $416。邊樣抵，就真係由你來衡量。假如你話唔係喎，我驚隨時要上網 search 嘢喎，咁其實今時今日大部分 Android 手機都支持雙咭，你可以準備多張平價低用量的 SIM 做後備，有需要時先用佢，其實支出都比起 CMHK 「飛常環球」Plan 更低 (反正其實你去旅行，用得最多都係 Facebook、Whatsapp 㗎啫，而家仲要睇 YouTube 都唔使擔心要就住就住，何樂而不為呢？)。

有興趣入手 Avirsim 的網友，有乜嘢地方要注意呢？

1) 雖然上面講到 Avirsim 平均每個月 $71.1，就可以無限任用 YouTube、Facebook 等超過 50 個應用程式，不過如果你想用來上下其他網站，其實又未必一定要額外買第二張 SIM，因為其實 Avirsim 都有買 Data 的服務，由 10MB 至 20GB 甚至更多都有，但價錢上點計法呢？在官網上就暫時未有資料。

2) 另外，有一點對版主來說就無乜所謂，但可能有啲網友會介意，就係因為佢用 VPN 技術，即係話啲資料係唔係都要過佢哋 Server，雖然佢哋寫就寫話唔會讀取你嘅資料，但如果你怕嘅話，咁你就自己衡量下用定唔用了。

3) 呀！仲有一點，就係所有集資網站都會有的問題：佢哋唔一定會準時出貨。

Screen Shot 2017-08-18 at 8.38.13 PM.png

了解以上三點，如果你都係有興趣試下嘅，就可以按這裡進行集資～

最新新聞