任你UP!一人一句!2018 網友最期待手機黑科技係......?
|
網絡消息
從 2017 手機的趨勢來看,可以預見到今年的手機,屏幕會更加大,屏佔比更加高,影相會更加勁,可能去到 F1.5 光圈,DxOMark 分數達 110,用 S845 處理器,跑分超過 20 萬,音效可以媲美 DAP......等等。講完一大輪,其實版主自己都覺得好悶,咪又係全部都可以估得到嘅嘢?咁,其實似乎帶唔到俾我哋乜嘢驚喜。但,有無可能可以在手機上加入一些令人無咁容易估到嘅嘢,令到手機科技重新有吸引力呢?
以下呢幾樣,又有無邊樣係 2018 年你最想喺手機入面見到呢?討論下啦!
— 引入黑墨烯技術:多用途,除左可用在電池上,亦能引用在處理器芯片上,提升手機的運算速度
— 將手機儲存空間同雲端合併 + 整合(其實呢點曾經在 Nextbit Robin 手機上都出現過,但沒有一間廠商效法,會唔會將佢普及化的話,會令手機使用更方便呢?)
— 可屈曲屏幕:在出現過曲面屏、全面屏等手機設計後,會唔會未來的方向,係可以直澄將手機都可以隨意屈曲呢?用途可能未必好廣,但叫做幾特別下嘅......
— AI 人工智能:會唔會可以拉近人類同 AI 的距離,令到相互可以更流暢地「溝通」?
— 將手機同穿戴裝置結合,將手機畫面投射到手上,連手機都唔使再帶,有無咁嘅可能?
— 更人性化面部解鎖,就算放在桌面上,45 度對住手機,都一樣解到?
— 成部手機變成透明?
— 其他,Your Turn
當然,以上只係版主自己的天馬行空想法,網友其實可以再激啲架,你又會希望未來手機係點架呢?