主題:任你UP!一人一句!2018 網友最期待手機黑科技係......?

ePrice HK
  • 發表時間:2017-12-29 20:03 收錄檢舉
    1 月 1 日,見證着新一年的來臨,2018 年終於來到了,同大家講聲新年快樂!平時成日同大家報導科技新聞、分享一下手機場情,今次版主決定不說這些「硬新聞」,不如吹下水好過啦~表情 #4 回顧返 2017 年,其實各廠商推出的手機,突破並不多,最多可能部部手機都變哂 18:9 高屏佔比屏幕,相機出到 F1.6 光圈...... 但,呢啲係網友想要嘅嘢嗎?有進步,是必需的,但版主更渴望見到的,是突破,是那種令人「嘩」一聲的衝動。2018,網友最希望在手機上實現甚麼黑科技呢?幾天馬行空都無所謂,一齊吹下啦!

    任你UP!一人一句!2018 網友最期待手機黑科技係......?

    從 2017 手機的趨勢來看,可以預見到今年的手機,屏幕會更加大,屏佔比更加高,影相會更加勁,可能去到 F1.5 光圈,DxOMark 分數達 110,用 S845 處理器,跑分超過 20 萬,音效可以媲美 DAP......等等。講完一大輪,其實版主自己都覺得好悶,咪又係全部都可以估得到嘅嘢?咁,其實似乎帶唔到俾我哋乜嘢驚喜。但,有無可能可以在手機上加入一些令人無咁容易估到嘅嘢,令到手機科技重新有吸引力呢?

    以下呢幾樣,又有無邊樣係 2018 年你最想喺手機入面見到呢?討論下啦!

    — 引入黑墨烯技術:多用途,除左可用在電池上,亦能引用在處理器芯片上,提升手機的運算速度

    — 將手機儲存空間同雲端合併 + 整合(其實呢點曾經在 Nextbit Robin 手機上都出現過,但沒有一間廠商效法,會唔會將佢普及化的話,會令手機使用更方便呢?)

    — 可屈曲屏幕:在出現過曲面屏、全面屏等手機設計後,會唔會未來的方向,係可以直澄將手機都可以隨意屈曲呢?用途可能未必好廣,但叫做幾特別下嘅......

    — AI 人工智能:會唔會可以拉近人類同 AI 的距離,令到相互可以更流暢地「溝通」?

    — 將手機同穿戴裝置結合,將手機畫面投射到手上,連手機都唔使再帶,有無咁嘅可能?

    — 更人性化面部解鎖,就算放在桌面上,45 度對住手機,都一樣解到?

    — 成部手機變成透明

    — 其他,Your Turn

    任你UP!一人一句!2018 網友最期待手機黑科技係......?

    任你UP!一人一句!2018 網友最期待手機黑科技係......?

    當然,以上只係版主自己的天馬行空想法,網友其實可以再激啲架,你又會希望未來手機係點架呢?
     

    立即加入Facebook 專頁,新聞/消息/優惠,最快知。

    01樓 ▲TOP 回列表頁