版主試伏:Adidas 假 Link 是笨蛋才會 share 的騙局網

左定坤 (Cho Ting Kwan) 2018-01-28 02:02 | 網絡消息
由尋日開始,版主就發現身邊有不少朋友,瘋狂地在 WhatsApp share 「Adidas 免費送鞋」的 link,唔係淨係一個半個,而係有成十幾廿個,於是乎版主問過部份朋友,佢哋表示自己沒有按過轉發的按鍵,是當按完連結之後,就自動「被轉發」開去。當中有許多疑點,包括網址寫的是「adîdas」而非「adidas」等等。於是乎版主就立即寫文提醒網友,懷疑條 link 係有問題,小心中伏。睇返留言,原來有好多網友都受到好奇心 / 一時貪念驅使,按左入去,擔心會唔會有事,最關心的是有沒有解決方法。不單是網友,就連版主都想知道,到底條 link 會唔會有問題,所以版主就親身試伏,結果如何,看下文吧!

Adidas(Facebook).jpg

版主問過兩個朋友,其中一個就表示,佢朋友 send 俾佢,然後有答過一些問題,不過佢無按 share 去 WhatsApp 個掣就出返去,點知唔知點解都係 share 左出去;而另一個朋友就表示,佢 click 左入去乜都無撳過,甚至無答過問題,但唔知點解都照 share 左。到底係咪真係一按入條 link,就會自動轉載呢?

出賣朋友系列 (1):
版主試伏:Adidas 假 Link 不是病毒!是笨蛋才會  share 的騙局網
出賣朋友系列 (2):
版主試伏:Adidas 假 Link 不是病毒!是笨蛋才會  share 的騙局網

呢件事匪夷所思,相當有嫌疑。為了尋求答案,版主就親身試伏。Click 入去條 link,然後佢就跳左入一個疑似 Adidas 的畫面,並寫着「我們正在慶祝我們的 93 週年,並贈送 5000 免費一雙鞋!」,首先呢句嘢文法上已經有點奇怪,乜嘢叫「5000 免費一雙鞋」? 下面有會條問題,真係簡單到你唔信:「你曾經使用過阿迪達斯鞋嗎?」再落啲會有網友的留言,不過留言的好多都係不知名國籍的人。答完 1 條問題之後,佢就話恭喜你有資格免費獲得一雙鞋,並要求你按 WhatsApp 的圖標,將條 link send 俾 20 個朋友 / 群組。如果唔 send 的話,就無辦法繼續去按「選擇鞋的尺寸」。

然而,我們發現暫時並沒有如版主的朋友所說般,出現自動轉載的情況,至少實測了十多部手機,都未有這現象出現。

版主試伏:Adidas 假 Link 不是病毒!是笨蛋才會  share 的騙局網 版主試伏:Adidas 假 Link 不是病毒!是笨蛋才會  share 的騙局網
▲ 會有條簡單到爆的問題,下面有好多不知名外國人留言。

版主試伏:Adidas 假 Link 不是病毒!是笨蛋才會  share 的騙局網 版主試伏:Adidas 假 Link 不是病毒!是笨蛋才會  share 的騙局網
▲ 答完之後,佢會話你有資格獲得「免費一雙鞋子」,並要求 whatsapp 分享俾 20 個朋友 / 群組,先至能夠繼續選擇鞋子尺寸,並輸入你的地址詳細信息。

所以最後版主測試到的結果,並沒有造成因按了連結而自動轉發的情況,完全是人為因素,因人的貪念 / 好奇性,而選擇性地把 link 轉發給他們的朋友,為求碰碰運氣,看看是否真的能夠免費獲得 Adidas 鞋。但如果係咁,版主朋友話佢哋無撳過,都照轉發出去,又點解釋呢?由於版主親身試過十幾部機都沒有出現這樣的反應,初步判斷可能是他們自己按了但又忘記了(?) ,或者是不小心按錯了 (?),或者連結可能暗藏病毒,而我們試不到出來 (?)。除此之外實在是想不到有其他答案。

到底,會不會在一按進去的那一刻,盜取你的資料?真係偷左你都唔會知。但可以肯定的是,它是一個笨蛋才會 share 的騙局網。天下間哪有咁大隻蛤乸隨街跳?而且版主發現,Adidas 的成立年份是 1949 年,計起上黎都不過 68 年半,而不是訊息上所說的 93 週年。

如果沒有輸入住址,理論上應該不會被偷資料。

版主試伏:Adidas 假 Link 不是病毒!是笨蛋才會  share 的騙局網
▲ 可以確定的是,條連結絕對是有問題的,就連 Facebook 都 block 左呢條 link,唔俾人 send 出去,可見這個網站是相當可疑。

版主試伏:Adidas 假 Link 不是病毒!是笨蛋才會  share 的騙局網

▲ 其實呢次事件仲有一個好大的穿煲位,好多人未必會留意得到。Adidas 正確成立日期為 1949 年 8 月 18 日,距離今日都只係 68 年半左右。所以甚麼慶祝 93 週年,只是一個引你上當的騙局。

到底因一時貪念而按入連結的網友,最後會否出現其他問題,暫時還是未知之數,畢竟版主手上的手機暫時沒有問題。假設今次真係大步檻過,但都要提醒一下大家,真的要時常記性,遇到可疑的連結,千萬不要亂按進去。這次無事,難保下次不會出事。大家真係要記住了!

當然,如果網友發現按過連結後,出現了其他異常地方,歡迎大家 PM 報料俾版主知。
表情 #6

參考來源:Adidas - History

最新新聞