韓國雖然在覆蓋率領先全球，但 4G 速度越快則落後於冠軍新加坡、荷蘭和挪威，排第四位，至於香港則大落後，以 17.73Mbps 得 56 位。根據 OpenSignal 報告，新加坡的 4G 網速高達 44.31Mbps，而荷蘭和挪威則有 42.12Mbps 和 41.20Mbps。台灣雖然在覆蓋率以 87.08% 排全球 12 名，但網速排名則以 26.66Mbps 佔 27 位。若果大家睇清楚報告，香港 4G 上網速度，更不及南非與巴西，而 17.7Mbps 下載速度結果，跟網絡商成日推銷最高網速有 300 600 甚至 800Mbps 有太大落差。
今次報告的數據樣本在去年 10 月 1 日至 12 月 29 日，透過全球 400 萬部裝置採集，共收集了超過 580 億個樣本，以分析和判斷 4G LTE 的速度和覆蓋率，然後再進行排名。今次報告的一大發現是，4G 覆蓋率較以前有所增長，現時覆蓋率超過 90% 的地方包括挪威、香港和美國，不再讓韓國和日本專美。
不過，版主都有一個發現，4G 上網速度排在香港之後的馬來西亞及泰國，跟香港有同一特點，就係好流行限速上網計劃。當好多用家都被限制網速，會直接影響結果，令排名偏低。
網友情願要高價高速，定係低價限速計劃？大家點睇？
資料來源：OpenSignal