從網上流傳的連結中,可以看到有不少重要信息:miui、api,一睇就好明顯係同小米有關;browser,即係關係到小米瀏覽器事;blackurl,仲唔係小米針對網站的黑名單?版主 search 過,總共約有 7 千多個連結被小米瀏覽器封殺,不過並不是整個網站被封,只是指定的「敏感」文章,才會被封鎖。版主利用 chrome 瀏覽器打開這些被封殺網站,發現大部份的連結,都是同政治有關,就如:
▲ 版主打開其中一條被封殺、來自台灣蘋果日報的連結,原來是跟「中國禁搜諾貝爾」呢件事有關。
— CrazyKid (@__Crazy_Kid__) 2018年4月24日▲ GitHub 也是其中一個被小米瀏覽器封殺的網站,而有網友實測,真係連上都上唔到。
▲ 版主 search 「http」,search 到名單中約有 7 千多條連結被封殺。
相信有好多網友都貪平,而購買小米手機,如果你係用緊小米手機,又會唔會中伏,睇唔到小米唔想你睇到的內容呢?版主手上就有部小米 MIX 2s,用內置的小米瀏覽器打開其中幾條被封鎖的連結,發現能夠順利打開。就算是網友實測被封殺的 GitHub 網站,亦都能夠開得到。由此推測,應該係大陸 ROM 的小米瀏覽器,才會出現這個問題,而如果用 Chrome,就應該無事;至於用緊香港 ROM 的話,暫時就應該未有伏住嘅......不過將來會係點,無人知,關於呢件事,你又點睇呢?留言討論下啦!