主題:【行場報價】Samsung GS4 價急跌! HTC One 企硬五千

ePrice HK
  1  2  >>  最終頁
  • 發表時間:2013-06-18 02:17 收錄檢舉
    講起貼市既旗艦手機,最多人講嘅都不外乎係 Samsung Galxay S4 同埋 HTC One 呢兩部,雖然佢地都係用咗 1080p 芒、 四核心處理器、 2GB RAM 亦分別用上高質素鏡頭,不過旺角先機場內,賣價南轅北轍,Galaxy S4 唔到兩個月就急趺過千,HTC One 繼續企硬五字頭。究竟點解同級機皇有如此不同既命運呢?兩部機場內價格又去到幾錢?等版主 Eddie 帶大家行個場,睇一睇!

    【行場報價】Samsung GS4 價急跌! HTC One 企硬五千
    ▲版主曰:明顯寫錯 Spec 啦, HTC One 點會係八核心?!
     

    Samsung Galaxy S4 場內價急跌! 水貨最平 $4,100!

    講起 Samsung Galaxy S4 ,大家最先諗起乜?係沿襲上代嘅聚碳酸酯膠機身?分開 3G 同埋 4G LTE 版本推出?俾系統佔左接近一半嘅 16GB 容量?定係俾果粉揶揄到一文不值嘅功能? 當網上日日有人彈的時侯,或多或少都會影響銷情。版主在先達行了一轉,問到 Samsung Galaxy S4 水貨(3G 版) 的價格由 $4,100 (純英文介面) 至 $4,300(中英文介面) 都有,而行到 4G LTE 嘅水貨價錢都不過 $4,400 (英文介面),已經同 GS3 行貨定價差不多了icon

    問到行貨,價錢同樣誇張!場內 Galaxy S4 (4G LTE 版) 報價由 $4,680 到 $5,080 ,亦有店員以 $4,600 放抽獎得番黎嘅 4G LTE 版全新 GS4 ;而二手機 Galaxy S4 亦見唔少,價錢由 $4,100 到 $4,300 都有!跌價跌到咁,究竟是貨量太多?還是無人問津?就真係不得而知了。

    咁其實版主都玩過 Samsung Galaxy S4 ,佢亦都冇大家所講咁差,佢用上新 Pentile 排列方式嘅 AMOLED 已經大大改善了屏幕偏色的現像,而且 5 吋 1080p 屏幕嘅解像度係足 440 ppi 的;版主 Eddie 手上的是 4+4 核心版本,亦試玩過版主 Keith 手上採用 Qualcomm 600 的四核版本,配合 2GB RAM ,兩部都有唔錯嘅流暢度;而佢 1300 萬像素主鏡頭同埋 200 萬像素前鏡頭都有唔錯嘅成像質素(亦可以參考版主 Eddie 的點評),加上呢部機始終「大路」,要搵配件都係比較容易啊!

    【行場報價】Samsung GS4 價急跌! HTC One 企硬五千
    ▲版主都有去先達買機嘅經驗,感覺上「行貨」兩個字寫得愈大就愈有保證,不過講到最後都係一個建議:記得 Keep 單。
     

    「金」屬價企硬! HTC One 行貨價 $5,000

    出面真金價係咁跌,「金」屬價真係特別硬,場內除左 iPhone 5 價錢夠硬,同樣用金屬制作機身的 HTC One 亦都企硬 $5,000 價格,場內問到最平嘅鋪頭都賣 $4,980 ,其他鋪頭嘅價格由 $5,080 到 $5,380 不等,講嘅當然係行貨價格。版主問過,原來因為 HTC One 根本就好少水貨番,加上都有唔少內地客問呢部機,求過於供自然價錢夠硬!

    講起 HTC One ,其實版主由 3 月到手玩到而家,一直都視佢為愛機,即使隨後出左好多新機,都無一部可以取代佢嘅地位!講規格,佢用咗 4.7 吋嘅 1080p SLCD 3 屏幕、 Qualcomm 600 四核 1.7GHz 處理器、 2GB RAM ,雖然唔可以外置插卡,但 32GB 內置容量到而家都仲夠使,鏡頭方面亦有 400 萬像素 UltraPixel 鏡頭,像素低但質素唔差,尤其夜拍質素真是有睇頭,加上好玩嘅 HTC Zoe 功能,這幾個月實在影低唔少重要時刻!對於呢部機真係幾多字都講唔晒,大家都係參考番之前做過嘅連載實測啦!

    【行場報價】Samsung GS4 價急跌! HTC One 企硬五千 【行場報價】Samsung GS4 價急跌! HTC One 企硬五千
    ▲ HTC One 場內行貨價夠硬之外,二手價都賣 $4,400 ~ $4,600 ,不過呢部機真係相當易崩(版主手上的 HTC One 四角都開始變型了),其實都幾難放二手icon

    在文章刊登的時侯 ,Samsung Galaxy S4 (3G 版)官方賣價 $5,898 ,Click 入嚟睇最新賣格和詳細規格。
    在文章刊登的時侯 ,Samsung Galaxy S4 (4G LTE 版)官方 賣價 $5,898 ,Click 入嚟睇最新賣格和詳細規格。
    在文章刊登的時侯 ,HTC One 官方賣價 $5,698 ,Click 入嚟睇最新賣格和詳細規格。
    大家覺得 HTC One 個價唔趺, Galaxy S4 趺價快既原因係? 投票時間:2013-06-18 ~ 2013-07-02 質感問題囉,一部金屬機、一部膠機,高下立見啦! 245 貨量問題姐, HTC One 入咁少水貨,自然好難降價架啦 45 需求問題,一部多人買,一部少人問,咪影響價格囉 22 我另有意見,留言話俾你聽(可以在討論區和 Facebook 發表意見) 2

    立即加入Facebook 專頁,新聞/消息/優惠,最快知。

    01樓 ▲TOP 回列表頁
    相關產品▼
    • HTC One
    • 現時售價: HK $2,998
    • 尺寸: 137.4 x 68.2 x 9.3 mm / 143 g
    • 電池: 2300 mAh
    • 插卡:
    • 螢幕: 1920 x 1080、 4.7 吋 SLCD
    • 相機: 400 萬像素CMOS
    • 顏色: 黑/銀/紅/藍
    • 時間: N/A
    • 上市: 2013-05-04
    • 外型: 直立
      • 3G
      • HSDPA
      • 衛星導航
      • Wi-Fi
      • 藍牙
      • 無 記憶卡
      • 觸控
      • 自動對焦
      • LED 閃光燈
      • 無 氙氣閃光燈
      • 3.5mm 耳機孔
    • Samsung Galaxy S4 LTE
    • 現時售價: HK $3,398
    • 尺寸: 136.6 x 69.8 x 7.9 mm / 130 g
    • 電池: 2600 mAh
    • 插卡: microSDHC
    • 螢幕: 1920 x 1080、 5 吋 HD S-AMOLED Plus
    • 相機: 1300 萬像素CMOS
    • 顏色: 黑/白
    • 時間: N/A
    • 上市: 2013-04-27
    • 外型: 直立
      • 3G
      • HSDPA
      • 衛星導航
      • Wi-Fi
      • 藍牙
      • microSDHC 記憶卡
      • 觸控
      • 自動對焦
      • LED 閃光燈
      • 無 氙氣閃光燈
      • 3.5mm 耳機孔
    熱門討論▼
  • 發表時間:2013-06-18 12:52 檢舉
    水貨機配的插頭有沒有分別
    Android更新又有無不同
    02樓 ▲TOP 回列表頁
  • 發表時間:2013-06-18 13:05 檢舉
    Anson ng說:
    水貨機配的插頭有沒有分別 Android更新又有無不同

    通常水貨會分唔同產地,當然係配番當地規格的插頭(甚至有D係盒入面唔跟埋,記得 Check)
    Android 更新通常係美國、歐洲快一步,但香港更唔更新到就真係唔知

    話說,版主手上有幾部機都係 歐洲版,一些小更新是快一點的,但整個版本就唔知了。
    03樓 ▲TOP 回列表頁
  • 發表時間:2013-06-18 13:20 檢舉
    Eddie Chan說:
    講起貼市既旗艦手機,最多人講嘅都不外乎係 Samsung Galxay S4 同... 恕刪
    唔好睇少網上語言威力…閣下呢個GS4自己實際用落唔係好差的體驗,在早一排網上反三星熱潮最厲害的時候,你一咁講即被人話打手,收左幾多錢…
    無恥公司等等等等…

    直情你發一句言,幾十人用唔理性的角度/方法去踩你…久而久之成個網都係比呢d人佔據晒,真正gs4用家都不能自由發言,除非係踩部機,就二十幾百人出泥話明智

    呢個就係現實

    再者有好多人都係參考網上評價去買機的,呢d唔中肯理性的意見完全影響晒用家買機意欲…彈到咁邊個去買?

    有d人都係十五十六走去鋪頭睇下先,但係呢網上的「意見」已經先入為主咁入左佢地個腦度,變成一去到鋪頭,問人地「會過熱嗎?千七有保維修費嗎?藍精靈mon嗎?」未買都印象打左折扣…

    好喇!勉勉強強買左返屋企,都未適應部機(智能手機上手總有適應期),好多野都未set好或者調節好去配合自己使用,但因為有過網上「意見」的不良印像,少少野唔順心就即刻話部機完全唔掂即放…

    即係舉例(純粹例子)個home制s-voice功能,只要按兩下 Home 鍵就會啟動。只可惜,此功能會令到手機會不了解用戶按一下還是兩下 Home 鍵,有時會等待用戶按第二下,令到用戶按 Home 鍵沒有反應,不能立即到主頁,有時更會誤開 S Voice。

    但用家睇得網上評論多,一個唔該就直頭話個rom寫得唔好,l;ag機唔掂,於是就不能接受,放左部機…仲有好多呢樣各樣問題都有機會因為呢d原因引致

    一個真正理性的人,係咪就算覺得個home制反應不夠快,都係理解原因係s-voice,或乾脆關左個s-voice佢,真係接受唔到認為要換機,咪話個s-voice係缺點引致體驗不夠好囉!屈個rom關咩事…


    又一個好好笑的例子,有某用家左網上貼一張相說明gs4跌落地爆mon的慘情,話帶左手機套都無用,去到代理維修要收佢人為損壞維修費…結果呢張相原來佢所謂帶左套,係用左個不能保護機身上下兩頂端及四隻圓角位的s-cover…


    有圖為証
    http://i.uwants.com/u/attachments/day_130519/20130519_3e494ce6629a153ad213mkoWiKhVcg2T.jpg" alt="" border="0" title="" />
    http://i.uwants.com/u/attachments/day_130519/20130519_3e494ce6629a153ad213mkoWiKhVcg2T.jpg

    結果呢,大家唔係理性討論叫個苦主應該買個保護性強d的手機套,又或自己跌爛mon代理收維修費合理

    結果係呢d回應圍攻「買三星等死,無恥公司質量有問題呃人,鏟爆三星代理收維修費,本人代表三星多謝你 , 幾日內過左八千比三星洗 

    當有理性用家指出苦主個保護套不能完整保護部機,即比群起攻擊,指責打手…最後那幾名用家被迫消失唔想再講野

    過無幾耐,相同一個post就在另一個討論區出現,但係相就唔同左,故意唔要個套,剩係影顆機災情,同埋張維修單收左佢幾多錢…於是一班人又叫囂,不知就裡的人看完相,見到苦主個「慘況」!本來想買機都表示卻步

    呢d例子網上比比皆是,最瘋狂時期係形成左一股浪潮…讚好不能講,缺點被放大,再扭曲…此情況於台灣更嚴重…牽扯埋政治同民族意識…動不動泡菜狗,台製機係良心企業

    今次gs4事件,我覺得除了佢確實唔係一部完全完美的機之外,亦係網上惡意抹黑壓力下的犧牲品…
     
    04樓 ▲TOP 回列表頁
  • 發表時間:2013-06-18 13:30 檢舉
    不能同意更多,其實就同獵巫冇分別。
    講真,我玩機,寫評測一定有我自己既見解,我又冇必要呃大家,但唔好一定要我企係任何一邊囉。

    現在所謂的網上評價,可信性有幾多成係真?所以我一直好努力去做好每一篇評測,用事實,感覺,睇法去解構一部機,老實講,我都未做得完美。

    好多人未用過 GS4 就話佢藍芒,其實佢真係冇藍芒,相機銳利度仲好得,不過有些發熱、容量不足等問題倒不是三人成虎。
    05樓 ▲TOP 回列表頁
  • 發表時間:2013-06-18 13:33 檢舉
    講真,有一點我好認同,就係大家都愈來愈對手機冇耐性。
    需知道,唔係樣樣野一上手就識用,要做 Setting 同埋物色保護套都好重要,但大家就係冇耐性去咁做。

    更大既問題係,大家面對部機「唔好用」係唔會諗方法解決,而係直接放機買過第二部。當年在 Android 2.3 既時侯,我地就千辛萬苦都要搵 ROM 黎刷去搞。年代真的不同了。

    話說,趺爆芒點都係計人為的吧…
    06樓 ▲TOP 回列表頁
    • Keith 上天總有安排
    • 帳號:
    • 發文:6741
    • 經驗:26149
    發表時間:2013-06-18 13:57 檢舉
    ian說:
    唔好睇少網上語言威力…閣下呢個GS4自己實際用落唔係好差的體驗,在... 恕刪

    ian 多謝你的提醒。版主 Keith 有觀察不同香港網站,網友對所謂打手的睇法。老實一句,三星真係 ePrice 支持者,廣告之多,有眼見,這點不能否認。但我們幾位版主,一直係有個句,講過句,用心去分享睇法,也有個人喜惡,但大家也很容易理解。可能就是這樣,我見不到有人說,eprice 是什麼什麼打手。

    多謝大家領會到我們的想法。

    而版主Keith 可以跟大家講,幾個熱門的 IT 網站的編採人員,版主們也熟,大家都很專業。網上言論不可信,可能是指討論區,幾個有編輯,版主坐陣,人流也高的網站,我肯定,大家也沒有因為錢,而作乜乜乜,物物物的打手。其實文章是否廣告,好容易辦識,你不愛看,Click 入立即走就可以,當是支持我們的生計。而有名有姓,有版主回應的文章,就一定不是打手文,更不是廣告。大家明白,體諒就好了。多謝支持。iconicon
    多謝支持 ePrice.HK
    07樓 ▲TOP 回列表頁
    • unclechak 小米2s大電使用中,行開D呀會爆炸架
    • 帳號:
    • 發文:265
    • 經驗:870
    發表時間:2013-06-18 15:40 檢舉
    o係而家呢個能夠以一傳萬既時代, 一間公司所做既野真係無得遮掩, 好似其他廠d衰野都大把架, htc廢的marketing, lg 超慢的android update , sony 比人串二手科技,跌價快, asus 變磚, 但*** 既問題o係呢幾點: (抄人同偷人相果d冇咩證據我當佢冇,出貨量當銷量大把公司都會做所以唔計) 售後服務太差, 搵打手抹黑對手,係人格問題, 作為一間國際企業, 係令人非常反感而家睇得見暫時只有d成日睇手機資訊既人知道, 但當遲d傳到c9,呀叔都知道, 下一代機就真係會好少人買***
    正如山寨手機咁, 你爆炸左幾次, 任你小米,lenovo,華為做得幾好, 大把人都會怕左中國牌子而冇人買

    其實***都好大貢獻, 係佢推動d手機良性競爭, 不停増強性能, 加速左舊機減價(今年中低價機真係好抵)所以其實人人都想百花齊放, 如果***售後做好d, 搞少d抹黑, ***憑住佢既'慣性收視'桹本冇得輸

    利申: 用過4,5個唔同牌子手機
    此文章已於 2013-06-18 15:41 重新編輯
    08樓 ▲TOP 回列表頁
  • 發表時間:2013-06-18 15:48 檢舉
    unclechak說:
    o係而家呢個能夠以一傳萬既時代, 一間公司所做既野真係無得遮掩, 好似其他廠d衰... 恕刪

    今年中低階機仲係出得好少,我好想快啲出多幾部追得貼 Xperia SP Spec 既機,等消費者可以有多一點選擇。

    你講既野不無道理,呢個係網絡輿論既年代,分身多幾次,講多兩次一件事就「似層層」,甚至成為一個品牌既刻版印像。我相信無一間公司係完美既,但亦唔需將佢地缺點大書特書。好唔好都回歸產品本身,其實咁樣評論真係最公平。(就好似 ASUS Padfone Infinity  我真係覺得唔錯,暫時都未聽過有變磚既情況發生; Xperia SP 都唔算上代科技丫,佢粒u同埋相機我都覺得好唔錯)

    至於你話抹黑,其實好多品牌都有,我唔係冇見過,亦係各大討論區不難發現這些情況,我小小一個人就杜絕唔到呢種風氣,唯由從自己做起啦!版主們會繼續努力為大家帶來更多高質素既評測!
    09樓 ▲TOP 回列表頁
  • 發表時間:2013-06-18 16:36 檢舉
    unclechak說:
    o係而家呢個能夠以一傳萬既時代, 一間公司所做既野真係無得遮掩, 好似其他廠d衰... 恕刪
    公道d講,呢d所謂搵打手事件,基本上間間公司都有,無需要過份跨大…

    如果要講人格問題,某公司的one s產品偷換cpu咪直頭係產品本質上欺騙消費者?當日聲稱呢間偷換零件公司欺騙消費者人格有問題的一大班人,何以今日又選擇性失明呢?作為一間國際企業,呢d行徑亦係令人非常反感的所為,仲有使用當時有音質缺憾的高通cpu加android 2.3架構,強推以beat-audio為名的靚聲智能手機,用音染去掩飾音質劣化,產品本質上欺騙顧客,是否比網上言論更令人不滿

    兩位版主都講得好arm,咁情況同風氣下,要評論一件產品好壞,最好都係回歸返件產品本身泥討論

    若果如你所言,將呢種過份抹黑唱衰對手商譽的風氣再助長落去,比d師奶同阿叔知道,從而影響人地銷量作為攻擊手段…亦都非常令我反感
    10樓 ▲TOP 回列表頁
  1  2  >>  最終頁