香港由網絡商提供
不同國家地區都有長者手機，一般都以介面簡單易用或者加入長者合用的功能為賣點。例如歐洲的 Emporia 和 Doro 都是專門生產長者手機的品牌。Doro 在香港就曾經跟長者安居服務協會合作推出平安鐘手機。Doro PhoneEasy 410 是 GSM 雙頻的簡單手機，除打出打入發短訊，沒有相機、上網等特別功能。賣點是 +35dB 高音量聽筒、支援助聽器、特大數字鍵盤和大字體螢幕和緊急求救按鈕。
▲ 長者安居協會的平安鐘手機。
▲ 新一代的 3G 版本平安鐘手機則由 ZTE 提供，功能同 Doro 差不多，但就用上 3G 網絡，透過發射站定位技術，會定時將手機位置傳送到支援中心，當長者需要協助時亦可以知道所在位置。
日本長者手機大不同
日本的長者手機就先進得多，10 月時 Fujitsu 推出了 Raku-Raku Smartphone Premium F-09E，一部長者專用的 Android 四核智能手機。介面和音量等針對性改進只是基本，Raku-Raku F-09E 加入了 WhiteMagic 節能 LCD 技術螢幕，慳電之餘，螢幕睇起來更「光猛」易讀，就算在日光下都可以睇得清楚。另外又有模擬實體按鈕質感的 Raku Raku 觸控螢幕、Exmor RS 810 萬像素易用相機、24 小時真人支援等貼心功能。當然還可以在 Google Play 下載各種 Apps。
同長輩玩 WhatsApp、LINE 關係更親密
版主虎仔不時收到朋友詢問同一問題：「邊度仲有 Nokia／LG／Samsung 某某型號的大字體打出打入手機？」通常虎仔的回答都是：點解唔用智能手機呢？坊間有不少實用的 Smartphone，只要各位乖仔乖女肯花少少時間，安裝 Big Launcher 等介面或調校字體大小，長輩都會用得好 Easy。（當然網友最好花點時間慢慢教佢哋點用，亦是跟長輩溝通方式一種）
現在用 WhatsApp 或 LINE 發相片傳語音短訊咁方便，有冇諗過同爸爸媽媽、爺爺嫲嫲玩 LINE 呢？有網絡商提供每月 $8 或 $18 的增值服務，任玩 WhatsApp 或 LINE。用了這些服務，就無需要擔心長輩唔小心用多了數據，又可以同長輩保持聯繫，可能有一日阿爺阿嫲會將飲早茶的相片 Send 俾你呢！
版主虎仔的心水長者手機，不喜勿插！
iPhone 4S 是版主的心水選擇，原因係只有一粒Home 掣，簡單易用，加上 iOS 用戶多，大把人識用，長輩發問都容易啲。另外，有語音或手寫輸入，發訊息毋須打字。而且可設定大字體，甚至放大鏡功能。可以安裝 WhatsApp、LINE 等熱門通訊軟件。最後，配件選擇多又平，買條充電線、保護套都容易過人。
Sony Xperia ZR 是版主另一選擇。Android 可以俾各位乖仔乖女安裝 Launcher，針對長輩需要，更大彈性去設定介面，又有實體相機鍵。另外機身有 4 種顏色選擇亦適合貪靚的「哥哥姐姐」，除了可以在 Google Play 安裝通信軟件外，仲有 IP5/8 等級防塵防水，就算長輩帶去行山晨運甚至游早水都無問題。最重要係，版主 Eddie 行場發現，機價最近已經跌穿 4 千。
精彩重溫：
Sony Xperia ZR 防水影相大測試
Apple iPhone 4S 8GB 版本介紹
3G版長者平安鐘手機介紹
網友們，你哋家中長輩現在用緊咩手機呢？有冇其他推介可以分享一下？留言傾傾啦！