台灣－ iTaiwan 全國通行
相信唔少朋友都知道台灣係 WiFi 發展方面其實做得唔錯，除左有地區性的免費 WiFi 之外仲有係全台有近五千多個 WiFi 熱點的 iTaiwan 。本身 iTaiwan 只係開放比台灣人使用不，過而家旅客一樣可以透過網上申請到。去到台灣，首先需要係「 iTaiwan 境外旅客線上登記系統」 登記，登記之後再到台灣觀光局服務櫃枱或者旅遊服務中心辦理手續就可以啦。知點辦理手續當然唔夠啦，最緊要係知邊到用得到！呢個時候大家就可以用「台灣免費 WIFI 」啦，呢個 app 就好似一個雷達一樣幫用家搜尋附近的免費 WiFi 地點，雖然介面真係有點簡陋，但 iOS 、 Android 平台都用到仲要免費，大家都會收貨吧。
速度：1Mbps
可使用時間：無限 / 連續四小時後要再 Login
來源：iTaiwan 境外旅客線上登記系統
▲ 旅遊服務中心係全台各地主要機場、火車站及捷運站都有，相當方便。
台灣免費WIFI
開發者: TENDY Taiwan Corporation. , Ltd
平台：Android 、 iOS
適用版本：Android 2.3 以上、 iOS 5.0 以上
售價： Android 免費、 iOS 免費
下載： Google Play 、 App store
韓國－首爾官方 WiFi 任你用
韓國來講首爾的官方 WiFi 亦係提供比遊客免費使用的，大家只需要搵到 「Seoul WiFi」 呢個名稱就可以免費用到啦，一般來講電話亭、電燈柱都可以搵到「Seoul WiFi」的標誌。不過要係街上周圍揾咁唔方便版主係唔會推薦大家咁做的，呢個時候大家就需要 「Smart Seoul Map app」啦，同岩岩提到的「台灣免費 WIFI」一樣， Smart Seoul Map app 可以幫用家搵到附近邊到有Seoul WiFi 熱點。呢隻 app 主要問題有兩個，第一佢只有韓文，第二呢隻 app 雖然係 iOS 同 Android 平台都有但 iOS 版用家要有韓國 iTunes account 下載而 Android 用家就要去到韓國先下載到。而用緊 Android 的網友，版主幫你地搵左下面嘅連結，裡面就有 apk 俾大家安裝。來源：Seoulistic
Android apk： 下載連結
▲ 係首爾街頭，即使係一條柱，都有佢嘅價值。
스마트서울맵 （Smart Seoul Map app）
開發者: 서울특별시 제작
平台：Android 、 iOS
適用版本：Android 2.3 以上、 iOS 6.0 以上
售價： Android 免費、 iOS 免費
下載： Google Play 、 App store
日本－完善官方中文教學上手無難度
有關日本免費 WiFi 的資料真係唔少，而日本觀光廳更加有官方中文教學，呢方面真係要讚一讚。由於日本官方的教學相當詳細而且因應不同地區提供左不同的免費 WiFi方案，版主相信大家親自瀏覽日本觀光廳教學會更有效率。當然推介 app 係唔少得啦，今次有兩隻 app 版主係認為值得大家使用的，首先有 Japan Connected-free Wi-Fi 。同之前介紹過的 app 一樣， Japan Connected-free Wi-Fi 功用都係幫大家搜尋附近 WiFi 熱點，更重要係佢的資料庫內有多達 9500 個 WiFi 熱點資料以及有中文顯示，實在係一隻日本旅遊 must have app 。另一隻 Navitime for Japan Travel 亦值得推薦，雖然呢隻 app 只有英文介面但勝在可以離線搜尋 WiFi 熱點，可以話同 Japan Connected-free Wi-Fi 係互相補足。兩隻 app 同樣免費而且 Android 同 iOS 都可以下載到。來源：日本觀光廳－日本 wifi 徹底攻略
▲ 去日本的朋友除左用 Japan Connected-free Wi-Fi ，亦可以留意便利店好似 Family Mart ，因為不少便利店都有免費 WiFi 可用的。
Japan Connected-free Wi-Fi
開發者: NTT Broadband Platform, Inc.
平台：Android 、 iOS
適用版本：Android 2.3.3 以上、 iOS 6.1 以上
售價： Android 免費、 iOS 免費
下載： Google Play 、 App store
NAVITIME for Japan Travel
開發者: NAVITIME JAPAN CO., LTD.
平台：Android 、 iOS
適用版本：Android 4.0 以上、 iOS 6.1 以上
售價： Android 免費、 iOS 免費
下載： Google Play 、 App store
泰國－免費 WiFi 遍佈旅遊點
係泰國大家一樣有機會享用到免費 WiFi ，泰國政府同電信公司 TOT 就合作推出左免費 WiFi 俾旅客享用，兩萬個 WiFi 熱點為佈係全國 1,615 個旅遊景點而大部份設係曼谷。有點可惜係每次登入只可以使用 20 分鐘，而每日的使用時間不超過 2 小時。另外登記後自啟用日起係6個月內有效的。來源：泰國 ICT Free Wifi
新加坡－用當地 sim 卡登記 WiFi 較著數
去新加坡一樣有免費 WiFi 可以用到，「wireless@SG」就係由新加坡政府所開放的 WiFi 俾大家使用，但以方便好用程度就未必有台灣等地方好了。需要使用 wireless@SG 的用家需要先登記一個 Wireless@SG 帳號，不過用非新加坡本土電話號碼登記的帳號只有 24 小時的有效期，過期後可以再次申請。相反，使用新加坡本土號碼登記的帳號有效期為 3 個月，相比下真係長得多，所以去新加坡都係整返張 sim 卡方便啲。Wireless@SG： 申請頁面
來源：新加坡 Wireless@SG
馬來西亞－OfficeKami 尋找使用 WiFi 好地方
相比起以上提到的地方，馬來西亞真係不太方便，雖然係商場、餐廳、 cafe 同埋酒店大家都有機會同到免費 WiFi 但係政府或者電訊商就暫未推出針對旅客而設的免費 WiFi 。不過都不用擔心，今次版主就推介一個網站俾大家。 officekami 本身旨在為讀者提供可以成為流動 office 的好地方，叫得做 office 就當然有得上網啦，所以除左提供地點名稱之外 officekami 仲會話埋 WiFi 名比讀者知，連插頭數量呢啲資料都有⋯⋯去馬來西亞的朋友不妨 bookmark 定呢個網啦！推介網站：OfficeKami
簡單做個總結，去東南亞國家想唔買 SIM 卡靠 WiFi 上網其實並唔難，大家只需要事前做好準備實在不成問題。不過，對上網有需求的朋友當然應該考慮去旅行事出返張 SIM 卡啦！想知點出 SIM 卡至抵玩？版主 Keith 有關 SIM 卡的報導你要睇啦。
ePrice.HK 儲值卡分享與報導
1) 歐洲漫遊最平每日 $23 無限上網
2) 抵玩漫遊卡：日韓台星 + 澳紐 上網逐日計 $173) 版主東京行！中國聯通富士卡 七日漫遊上網 新嘗試
4) 中國聯通跨境王新版! 一卡兩號儲值卡比拼
5) 台灣大哥大推台灣 4G LTE 上網儲值卡
6) 中國移動香港漫遊數據卡消息：韓國／台灣 ＋新加坡 + 日本
7) $58 / 1.8GB 用半年! 7-11 本地八達通儲值通話卡 平價上網
8) 中國聯通跨境王新版! 一卡兩號儲值卡比拼
9) $50 4G LTE 無限一個月任用! 瘋狂試玩 CMHK 4G LiTE
10) $20 玩 30 日無限 Data＋ WiFi ！版主教路買平價儲值上網卡
11) 版主教你: 一蚊雞玩 WhatsApp ! 每月加 300 分鐘 $36 攪掂
12) 台、日、英、韓有齊！$80 買 SlimDuet 一卡用多國漫遊方案抵唔抵？
13) SIM 檔神卡：揭 One2Free 160 蚊無限上網儲值卡 身世之謎
14) SIM 卡唔駛買! 版主教你 零蚊係東南亞用 WiFi 上網