呢個「Facebook Sports Stadium」功能目前在美國的 iPhone 上推出，透過 Facebook 呢個新功能，用家可以分享自己對賽事的評論，同時亦可以睇到你朋友對賽事的評論。唔單止咁，你亦都可以睇到來自媒體、體育隊伍發佈的內容，等你可以更方便地追蹤佢地嘅專頁。另外，你亦可以透過「Facebook Sports Stadium」功能，觀看實時比分、賽事資訊 (例如邊個台可以睇到賽事) ，甚至是賽事進行中的影音畫面。
Facebook 呢項功能剛推出，當中包含讚好、分享、回覆等功能，同一般的 Facebook 差不多。目前只支援美式足球的賽事，遲下會逐漸加入籃球、足球等賽事，並會將呢項新功能擴展到全世界不同平台的手機裝置。好快就到英超賽事的日子，唔知 Facebook 能唔能夠趕在英超賽事之前，將呢項新功能帶到香港，並支援英超賽事讓球迷討論呢?
來源：Facebook Newsroom