本身 Whoscall係一隻台灣推出的來電通知過濾 app ，但自從被大名鼎鼎的 Line 收購左之後發展得相當快。係香港方面早已經同 HKJunkcall 合作（亦係小熊來電所用的資料庫）為 Whoscall 加入大量推銷、垃圾、詐騙等等的電話號碼，而全球亦有近二千萬的客戶同埋數據庫有近 7 億個電話號碼。
至於小熊來電同 Whoscall 兩隻 app 同樣係來電通知過濾程式，功能上又有什麼不同呢？可以大慨咁講，Whoscall 的功能係比較多而小熊的用法就比較簡單直接，各有優點。而家就同大家分享下 Whoscall 的特別功能。
▲ 同好多人用開的小熊來電相比， Whoscall 的第一個不同之處在於 Whoscall 係需要用大家的 email 註冊的。
另外，Whoscall 的「通話後追蹤功能］亦係小熊所沒有的，呢個功能就係比大家結束通話時對來電的號碼作進一步行動例如封鎖來電號碼。另外， Whoscall 本身亦有封鎖簡訊功能（但 Android 4.4 及以後版本不支援），而且封鎖號碼亦相當方便，除左可以係通話前後設定亦可以係 Whoscall 內的通話記錄封鎖或者係黑名單頁面中加入要封鎖的號碼。另外又有標記功能，呢個功能特別在通話前後都可以設定，而用家所做的設定亦會分享比其他使用者。
分享完 Whoscall 賣點後版主就想問下唔知大家平常係用開 Whoscall 還是小熊來電呢？大家不妨投一投票同埋留言分享下使用心得呀！
（利申先：版主乃小熊來電腦殘粉， Whoscall 功能係多但個人覺得都係簡單一點的小熊好
）Whoscall
開發者: Gogolook平台：Android 、 IOS
適用版本：Android 2.2 以上、 IOS 7.0 以上
售價： Android 免費、 IOS 免費
下載： Google Play、 App store
小熊來電通知
開發者: Gogolook平台：Android
適用版本：Android 2.3.3 以上
售價： Android 免費
下載： Google Play
來源：Yahoo 新聞