搭高鐵幫到手-台灣高鐵 T Express 手機快速訂票通關服務
可能好多朋友去到台灣都會一落地即刻乘搭高鐵前往目的地,呢個情況下台灣高鐵 T Express 應該可以幫到大家。呢隻由台灣高鐵公司所推出的 app 主要有兩個好處,第一有高鐵離線時間表查詢(當然更新內容需要使用網絡)。第二是訂位、付款、取票都可在一隻 app 中搞掂,遊客只需填上護照號碼都可以使用,買飛就更方便啦。
▲ 係 Android 版本上 T Express 界面相對比較陳舊,版主個人認為不算很好用。但時間表可以離線睇的確幾好。
台灣高鐵 T Express 手機快速訂票通關服務
開發者: Taiwan High Speed Rail Corporation平台:Android 、 iOS
適用版本:Android 1.6 以上、 iOS 5.0 以上
售價:免費
下載:Google Play 、 App store
資料齊全適合自由行-雙鐵時刻表
剛剛提到的 T Express 雖然係官方推出又可以買高鐵飛,不過講好用同受歡迎程度雙鐵時刻表可能更好。雖然用家不能用呢隻 app 買飛,但勝在資料夠多夠齊,除左可以查詢高鐵班次,運台鐵同捷運資料都有!台鐵同高鐵之間的轉乘資料雙鐵時刻表亦有提供,對於需要乘搭高鐵或台鐵的朋友呢隻 app 可以話係必備的。
▲ 雙鐵時刻表去過台灣的朋友應該都有用過;版主以前去台灣都有用,去十分呢啲需要以台鐵作為交通工具的地方時好幫到手的。
雙鐵時刻表
開發者: Xavier Wu (Android)、 TienEn Wu(iOS)平台:Android 、 iOS
適用版本:Android 2.3 以上、 iOS 5.0 以上
售價: 免費
下載: Google Play 、 App store
搭晚士無煩惱-台北等公車
除左高鐵之外,大家常用的公共交通工具仲有捷運同埋巴士(當然的士都好平好抵搭),對於去台北旅行的朋友來講台北等公車應該係一個唔錯的選擇。呢隻 app 除左常見的路線搜尋之外仲可以查看巴士到站時間,另外有路線規劃功能,呢項功能就適對目的地交通不太熟悉的朋友使用。最後,台北等公車的好處仲有定位準確度夠高,可以放心 set 落車提醒。唔信?可以睇下呢單新聞。
▲ 台北等公車功能頗豐富,如果大家遊行目的地不是台北都不用擔心,開發者另外有台中等公車同埋台灣等公車兩隻 app 。用法同台北等公車一樣,而且一樣係 iOS Android 有份。
台北等公車
開發者: yapin平台:Android 、 iOS
適用版本:Android 2.3 以上、 iOS 7.0 以上
售價:免費
下載: Google Play 、 App store
士林 Guidebook -士林夜市美食導航
去到台灣,好多人的目標就係食,食同埋食!夜市自然係港人必到的景點,而士林夜市美食導航相信對大家都會有幫助。呢隻以士林夜市作為主題的 app 除左有地圖交通呢啲常見功能之外,更緊要係有美食資訊,除左可以用導航功能帶用家到食店位置仲有點餐小提示,相當貼心。詳細介紹可以睇返會員 DiaMa 的文章,比較可惜係士林夜市美食導航暫時只有 iOS 版。
▲ 士林夜市美食導航的美食一欄對不同類型的食品都有介紹,Order Tips 對遊客信會有幫助。
士林夜市美食導航
開發者: WEI CHAO CHENG平台:iOS
適用版本:iOS 7.1 以上
售價:免費
下載:App store
台灣夜市全搜羅-台灣夜市大全+
介紹完 iOS 的 app 再講多個 Android 平台的好 app ,呢隻台灣夜市大全收錄左全台灣大大小小不同的夜市並且有地圖同路線規劃功能,對著名夜市去到悶想找知名度較低夜市的朋友就相當適合。另外大家使用時除左可以當呢隻 app 係「夜市 wiki」之外不妨留意下 app 內網友留言推薦的美食,可能會有意外收穫都唔定。
▲ 台灣夜市大全+的夜市排行榜由用家選出,有一定的可信度。另外有關夜市的留言也很有參考價值(順帶一提,饒河街夜市版主去過覺得唔錯)
台灣夜市大全+
開發者: Foliapp平台:Android
適用版本:Android 2.2 以上
售價:免費
下載: Google Play