一下載完隻 App，略過一連串介紹之後，佢就會初始化個系統。初始化完呢，就會見到呢個畫面。可以探測到你而家所在位置 (例如尖沙咀)，並會顯示所在位置嘅最高、最低以及平均溫度。而落到最底，會見到你所在位置嘅風速、降雨量及濕度等資訊。另外，個人覺得 Weather 360 比我的天文台好嘅地方係，當你向左撥一下嘅時候，你可以睇到未來 12 小時天氣預報，再向左撥多一下，就可以見到未來 9 天嘅天氣預報，對於平時要去遠行、游水、踩單車嘅你，絕對係一個方便嘅軟件。
▲ 最左圖為一入去 Weather 360 時嘅畫面。中間果幅圖呢就係，當你從右邊看左撥嘅時候，你會見到未來 12 小時嘅天氣預報，方便去遠足、游水嘅人士可以時刻注意天氣嘅情況。而最後一幅圖就係，當你再向左撥，就會見到未來 9 天嘅天氣預報。
▲ 另外，呢隻 App 有自己獨有嘅時鐘插件，除左可以顯示時間之外，仲可以顯示天氣情況。按一下個插件，會彈出三個選擇，按 Full Weather Information 就可以入番去隻 App 度，按 Set Alarm 就可以俾你校鬧鐘，而最後 Change Widget Settings 呢，你就可以更改插件嘅風格，有好多種風格俾你選擇。
唔知大家對呢隻軟件有無興趣呢? 有興趣不妨下載試下啦! 反正都係免費，個人覺得比較方便美觀，唔知大家點睇呢款 App 呢?
App 下載資訊
◎ App 名稱：Weather 360
◎ 系統需求：iOS 7.0 以上 / Android 4.0.3 以上
◎ 下載方式：免費 iTunes Store（香港帳號）/ Google Play